ۇرى وتكەن جۇما كۇنى شىمكەنتتەگى كاسىپكەرلەردىڭ ءبىرىنىڭ ۇيىنە تۇسكەن. ۇيدە بولعان ءۇش ادام دەنە جاراقاتتارىن العان، - دەپ حابارلايدى «قامشى» پورتالى Today.kz-كە سىلتەمە جاساپ.

قىلمىسكەر كىرگەن ساتتە ۇيدە كاسىپكەردىڭ كەلىنشەگى، 11 جاستاعى قىزى مەن ون سەگىزدەگى ءبىر تۋىسقانى بولعان. پىشاقپەن قارۋلانعان ۇرى ۇيگە كىرە سالىپ، كەلىنشەكتەن اقشا مەن التىنداردى شىعارۋدى تالاپ ەتكەن. ءبىراق، ءۇي يەسى وعان كونبەي قارسىلىق تانىتقاندا ۇرى ونىڭ كەۋدە تۇسىنان پىشاق سالىپ، ەكىنشى قاباتقا كوتەرىلگەن. ونداعى قىزدارعا دا پىشاقپەن شابۋىل جاساعان. جاراقات العان ايەل ۇيدەن قاشىپ شىعىپ، شۋ كوتەرگەن. ۇرى شۋ شىققان سوڭ، جاسىرىنىپ ۇلگەرگەن. قىلمىسكەردىڭ ۇيگە كىرىپ-شىققان ءساتى بەينەباقىلاۋ كامەرالارىنا جازىلىپ قالعان.

جاپا شەككەندەر اۋرۋحاناعا جاتقىزىلدى. كۇدىكتى ىزدەستىرىلۋدە.