«KMF» ميكروكرەديتتىك ۇيىمى «KMF-دەمەۋ» كورپوراتيۆتىك قورىنىڭ قولداۋىمەن «قازاقستان حالقىنىڭ قارجىلىق ساۋاتتىلىعىن ارتتىرۋ» جوباسىن ىسكە قوسۋدا. ول اعىمداعى جىلدىڭ ىشىندە جۇزەگە اسىرىلاتىن بولادى، دەپ حابارلايدى كومپانيانىڭ باسپا ءسوز قىزمەتىنەن.

KMF كومپانياسىنىڭ 2013 جىلدىڭ ءساۋىر ايىندا جۇرگىزگەن زەرتتەۋلەرىنىڭ ناتيجەلەرىنە سايكەس، كوپتەگەن قازاقستاندىقتاردىڭ قارجى سالاسىنداعى بىلىمدەرى وسى تۇرعىدان دۇرىس شەشىمدەر قابىلداۋ ءۇشىن جەتكىلىكسىز بولىپ جاتادى ەكەن. ال، ادامداردىڭ قارجىلىق قىزمەتتەردى پايدالانۋ دەڭگەيى جىلدان جىلعا ارتىپ كەلەدى.

جوبانىڭ ماقساتى - تابىسى تومەن وتباسىلاردىڭ قارجىلىق جاعدايىنىڭ دەڭگەيىن، قارجى سالاسىنا قاتىستى بىلىمدەرىن ولارعا سەمينارلارعا تەگىن قاتىسۋعا مۇمكىندىك بەرۋ ارقىلى كوتەرۋ.

جوبا ءاربىر جان وزدىگىنەن يگەرۋى ءتيىس 10 سەميناردان تۇرادى ول جانە ازاماتتارعا وزدەرىن تولعاندىراتىن قارجىلىق ماسەلەلەرگە تولىققاندى جاۋاپتى ۇسىنۋعا نەگىزدەلگەن قارجىلىق ساۋاتتىلىقتى ارتتىرۋدىڭ يننوۆاسيالىق باعدارلاماسى تۇرىندە ازىرلەنگەن. ول قازاق جانە ورىس تىلدەرىندە، مىسالدارمەن، كەستەلەرمەن بەزەندىرىلىپ بەرىلگەن.

وسى تۇرعىدان، قازىرگى تاڭدا «KMF» ميكروكرەديتتىك ۇيىمىنىڭ كليەنتتەرى ءۇشىن 10 000 استام سەمينارلار، ءىسىن جاڭادان اشقان كاسىپكەرلەر مەن ستۋدەنتتەر ءۇشىن 100-دەن استام كەزدەسۋلەر مەن قارجىلىق جانە باسقا دا شارالاردا 30-دان استام ترەنينگتەر وتكىزۋ جوسپارلانىپ وتىر.

"قازاقپارات"