ۇستىمىزدەگى جىلى قىركۇيەك ايىندا «نۇر وتان» پارتياسى ليساكوۆسك قالالىق فيليالىنىڭ قوعامدىق قابىلداۋ بولىمىنە «ۋرالدومنورەمونت – ل» جاۋاپكەرشىلىگى شەكتەۋلى سەرىكتەستىگىنىڭ ءبىر توپ جۇمىسشىسى وزدەرىنىڭ ءتورت اي بويى ەڭبەكاقى الماعانىنا، كاسىپورىن ديرەكتورى سەرگەي يليچ جەرياكوۆ كۇندە «ەرتەڭمەن» الداپ جۇرگەنىنە شاعىمدانىپ، ماسەلەنى شەشۋگە كومەكتەسۋىن وتىنگەن. وسىعان وراي ءبىز قوستاناي وبلىسىنىڭ ليساكوۆسك قالاسىنا حابارلاسىپ، بىرنەشە جۇمىسشىمەن ماسەلەنىڭ انىق-قانىعىن سۇراپ بىلگەن ەدىك.
ۆالەريي دۋدكو، «ۋرالدومنورەمونت – ل» ج ش س جۇمىسشىسى:
 – مەنىڭ «ۋرالدومنورەمونت – ل» كاسىپورنىندا جوندەۋشى مامان بولىپ جۇمىس جاساپ كەلە جاتقانىما ءۇش ايدان استى. كاسىپورىن باسشىسى سەرگەي جەرياكوۆ باستاپقىدا ماعان «ايلىعىڭىز 60 مىڭ تەڭگە بولادى» دەپ ۋادە بەردى. جۇ­مىسىمىز وتە اۋىر. ەڭبەك زاڭىندا بە­كىتىلگەن كۇنىنە 8 ساعاتتىڭ ورنىنا ۋا­قىتپەن ساناسپاي 12 ساعات جۇمىس جاسادىق. وكىنىشكە قاراي، ءۇش ايدان بەرى كوك تيىن ەڭبەكاقى العان جوقپىز. ويتكەنى وتباسىمدا ايەلىم جانە ءتورت بالام بار. ولاردىڭ ەڭ ۇلكەنى 8 جاستا دا، كىش­كەنتايىم ەكىدە. بۇعان قوسا، ايەلىمنىڭ بەسىنشى نارەستەگە اياعى اۋىر. وتباسىممەن بىرگە وسىنداعى جاتاقحانانىڭ ەكى ءبول­مەسىن ايىنا 22 مىڭ تەڭگە تولەپ، جالداپ تۇرامىن. جاتاقحاناعا قارىزىم دا جينالىپ قالدى. جاتاقحانا قوجايىنى كۇن سايىن «بولمەنى بوسات!» دەپ الەك سالۋدا. «قىستىڭ كوزى قىراۋدا شيتتەي بالالارىمىزبەن دالادا قاڭعىپ قالامىز با؟» دەگەن ۇرەي بويىمىزدى بيلەۋدە. سوندىقتان زاڭسىزدىقپەن كۇرەسىپ كەلە جاتقان – «نۇر وتان» پارتياسىنان كومەك كۇتەمىز. وسى ىسكە سىزدەر ارالاسىپ، «ۋرال­دومنورەمونت – ل» ءجشس-نىڭ باسشىسى س.ي.جەرياكوۆتان بارلىق ەڭبەكاقىمىزدى الىپ بەرسەڭىزدەر ەكەن دەگەن ۇمىتتەمىز. 
تۇراش بەرمۇحامبەتوۆ، «ۋرالدومنورەمونت – ل» ج ش س جۇمىسشىسى: 
– مەن جاس وتباسىنىڭ وكىلىمىن. شاڭىراق كوتەرگەنىمە بىرەر ايدىڭ ءجۇزى بولدى. جالدامالى پاتەردە كۇن كەشۋ­دەمىز. ايتپاعىم، ءبىزدىڭ بريگادا جۇمىس­شىلارىنىڭ ايلىق كورمەگەنىنە ءۇش-تورت ايدىڭ ءجۇزى بولدى. سوندىقتان سىزدەردەن ۇلكەن كومەك كۇتەمىز. بىزگە قينالعاندا قول ۇشىن بەرىپ، تىعىرىقتان شىعار­ساڭىزدار ەكەن. ءوزىمىز «ۋرالدومنورەمونت – ل» جاۋاپكەرشىلىگى شەكتەۋلى سەرىكتەس­تىگىنىڭ باستىعى سەرگەي جەرياكوۆتان «قا­شان جالاقى بەرەسىز؟» دەپ سۇراساق بولدى، الۋان ءتۇرلى سىلتاۋ ايتىپ، تايساقتايدى. سوندىقتان ءبىز ورىن الىپ وتىرعان زاڭ­سىزدىقتى جازىپ، قالالىق پروكۋراتۋرا مەن سوتقا دا ارىزداندىق. مەنىڭ «حالىق بانكىنەن» العان كرەديتىم بار. ايلىقتىڭ كەشىگۋى سالدارىنان بىرنەشە اي بويى بانك قارىزىن تولەي الماي وتىرمىن. سوندىقتان ءبىز «نۇر وتان» پارتياسىنان زور ءۇمىت كۇتەمىز. 
ال «نۇر وتان» پارتياسى ليساكوۆسك قالالىق فيليالىنىڭ ەسەپ، ستاتيستيكا جانە قوعامدىق قابىلداۋ سەكتورىنىڭ مەڭگەرۋشىسى نۇرلان باتىرحان ۇلى بالديكوۆ بولسا، «ۋرالدومنورەمونت – ل» ج ش س ديرەكتورى سەرگەي يليچ جەرياكوۆپەن جولىعىپ، ماسەلەنىڭ ءمان-جايىن سۇراپ بىلگەنىن، سوندا كاسىپورىن باسشىسىنىڭ رۋدنىي قالاسىنداعى تاپ­سىرىس بەرۋشى «سسگپو» اق-تىڭ اتقا­رىلعان جۇمىسقا اۋدارىلۋى ءتيىستى قار­جىنى دەر كەزىندە اۋدارماۋى سالدارىنان جۇمىسشىلارعا ەكى ايدىڭ جالاقىسى كە­شىكتىرىلگەندىگى تۋرالى حابارلاعانىن جەت­كىزدى. بۇعان قوسا، «نۇر وتان» پارتياسى ليساكوۆسك قالالىق فيليالىنىڭ ءبولىم باسشىسى ورىن العان وقيعانى قالا پرو­كۋرورى ەركىن تايكەشوۆكە تاپسىرعان. جۇمىسشىلارمەن جۇزدەسكەن قالا پرو­كۋرورلارى ولاردىڭ مالىمدەمەسىنە وراي كاسىپورىن باسشىسىنان جۇمىسشىلاردىڭ جالاقىسىن بەرۋدى تالاپ ەتكەن. الايدا، تالاپتىڭ مەزگىلىندە ورىندالماۋىنا باي­لانىستى ليساكوۆسك قالالىق پرو­كۋرا­تۋراسى اتالمىش كاسىپورىندا ەڭبەك زاڭدىلىعىنىڭ قاداعالانۋىن تەكسەرگەن. تەكسەرۋ ناتيجەسىندە «ۋرالدومنورەمونت – ل» جشس-دە ەڭبەك زاڭدىلىعىنىڭ ورەسكەل بۇزىلىپ كەلگەنى انىقتالىپ، كاسىپورىنعا 250 اەك (مرپ) كولەمىندە ايىپپۇل سالىندى.
ءبىز ليساكوۆسك قالاسىنا تەلەفون شالىپ، «ۋرالدومنورەمونت – ل» ءجشس-نىڭ ديرەكتورى سەرگەي يليچ جەرياكوۆ مىرزاعا حابارلاستىق. 
– راس، قازىرگى كۇنى ءبىزدىڭ كاسىپورىن وسىنداعى 21 جۇمىسشىعا بىرنەشە ايدىڭ ەڭبەكاقىسىن بەرە الماي وتىر. مۇنىڭ سەبەبى، بىزبەن كەلىسىم جاساعان رۋدنىي قالاسىنداعى مەردىگەر كومپانيا ءتيىستى قارجىنى ءبىزدىڭ ەسەپشوتىمىزعا ءالى كۇن­گە دەيىن اۋدارماي، كاسىپورىندى تى­عى­رىق­قا تىرەپ وتىر. ال ءبىز بولساق، تاپ­سىرىس بەرۋشى «سسگپو» اق-تىڭ تاپ­سىر­ماسىن وسىدان بىرنەشە اي بۇرىن بەل­گى­لەنگەن مەرزىمدە تولىق ورىندادىق. الايدا، تاپسىرىس بەرۋشىنىڭ ۋادەسىندە تۇرماۋى سالدارىنان، جۇمىسشىلارعا جالاقى بەرە الماي وتىرمىز. 
– سوندا جۇمىسشىلارعا تيەسىلى بىرنەشە ايدىڭ ەڭبەكاقىسىن قالاي تولەمەكسىز؟
– شىنىمدى ايتسام، ءقازىر نە ىستە­ءرىم­ءدى بىلمەي ءجۇرمىن. دەگەنمەن، بىر-ەكى اپتا كۇتسەك، تيەسىلى قارجى شوتىمىزعا تۇسەر دەگەن ءۇمىتىم بار. ال جۇمىسشىلار ۋاقىت­پەن ساناسپاي جۇمىس جاسادى. سوندىقتان ولارعا تيەسىلى جالاقى بەرىلۋى قاجەت. وتكەن جۇما كۇنى قانداي كەلىسىمدى تاپسى­رىستى اتقارعانىمىز جانە ونىڭ كەلى­سىلگەن قۇنى قانشا ەكەندىگى تۋرالى بارلىق قۇجاتتار تىگىلگەن جازباشا ەس­كەرتۋ-حاتتى ءبىزدىڭ زاڭگەردىڭ قاتىسۋىمەن تاعى دا تاپسىرىس بەرۋشى كومپانياعا جولدادىق. ەگەر بۇل جولى جاۋاپ بولماسا، وندا جەرگىلىكتى سوتقا جۇگىنۋىمىزگە تۋرا كەلەدى، – دەپ «ۋرالدومنورەمونت – ل» ءجشس-نىڭ ديرەكتورى سەرگەي يليچ جەرياكوۆ ماسەلەنىڭ ءمانىسىن ءتۇسىندىردى.

دەرەككوز: ايقىن-اقپارات