ەلباسى بەلگىلەنگەن 100 ناقتى قادام بويىنشا ءار سالادا جۇمىستار اتقارىلىپ جاتىر. ۇلت جوسپارى ەلىمىزدى دامىتۋعا سەرپىن بەرە الادى. سوندىقتان ونى ورىنداۋ بارىسىندا جاۋاپكەرشىلىك كەرەك.
وسى ورايدا قىزىلوردا وبلىسى تجد باستىعىنىڭ مىندەتىن اتقارۋشى مۇرات ەمەل ۇلى كەلەسوۆپەن اڭگىمەمىزدىڭ باسى «100 ناقتى قادامنىڭ» ورىندالۋ بارىسى تۋرالى ءوربىدى. 
– مۇرات ەمەل ۇلى، ەندى ءسىزدىڭ سالاعا مويىن بۇرساق، توتەنشە جاعدايدىڭ الدىن الۋ – تۇراقتىلىق پەن امانشىلىقتىڭ بەلگىسىنىڭ كەپىلى ەمەس پە؟
– راسىندا دا، سولاي. وتكەن جىلدىڭ ايا­عىندا ۇجىم جاڭا عيماراتقا قونىس اۋداردى. دالىرەك ايتساق، 2014 جىلدىڭ قىركۇيەك ايىندا وبلىس اكىمشىلىگى تاراپىنان توتەن­شە جاعدايلار دەپارتامەنتىنە جالپى كولەمى 3029،0 شارشى مەتر كولەمىندەگى جاڭا اكىم­شىلىك عيمارات ءبولىندى. سونىمەن قاتار جەر­گىلىكتى بيۋدجەتتەن ءتيىستى قاراجات ءبولىنىپ، SSANGYONG KYRON اۆتوكولىكتەرى، شال­شىق سۋ ايدايتىن موتوپومپا؛ «HOLMA­T­RO» ماركالى قۇتقارۋ قۇرال جابدىق­تارى؛ كونتەينەرلىك ءتيپتى ءجىلۋ-تۇتىن كا­مەراسى؛ ازاماتتىق قورعانىس سالاسىنا قۇتقارۋ قۇ­رال-جابدىقتارى؛ جەدەل ارەكەت ەتەتىن ءورت ءسوندىرۋ كولىگى، اۆاريالىق قۇتقارۋ كولىگى الىندى. وبلىس اكىمدىگى تاراپىنان زور كوڭىل بولۋشىلىك توتەنشە جاعدايلار سالا­سىنداعى قىزمەتتىڭ قارقىندى جۇمىس جا­ساۋىنا نەگىز بولدى. 
وسى رەتتە قازاقستان رەسپۋبليكاسى ىشكى ىستەر مينيسترلىگىنىڭ 2015 جىلعى 25 اق­پانداعى ۇيىمداستىرۋ نۇسقاۋىنا سايكەس، 12-13 ناۋرىزدا «كوكتەم-2015» رەسپۋبلي­كا­لىق وقۋ-جاتتىعۋ ءوتتى. 2014-2015 جىلدىڭ قىس-كوكتەم مەزگىلدەرىندە سۋ تاسقىنىنىڭ الدىن الۋعا ارنالعان دايىندىق شارالارى تۋرالى وبلىس اكىمدىگىنىڭ ءماجىلىسى وتكىزىلىپ، وندا جەرگىلىكتى اتقارۋشى ورگاندارعا، قالا، اۋدان اكىمدەرى مەن سۋ تاسقىنىنىڭ الدىن الۋ ماقساتىنداعى ءىس-شارالاردى اتقاراتىن ءتيىستى مەكەمەلەرگە تاپسىرمالار بەرىلدى. «قىزىلوردا وبلىسى اۋماعىندا 2014-2015 جىلداردىڭ قىس-كوكتەم كەزەڭدەرىندەگى سىر­داريا وزەنىمەن كەلەتىن ارتىق سۋدى ءقاۋىپسىز وتكىزۋگە دايىندىق جۇمىستارىن جۇزەگە اسىرۋعا ارنالعان ءىس-شارالار جوس­پارىن» وبلىس اكىمى بەكىتتى. 
سۋ تاسقىنىنىڭ الدىن الۋ ماقساتىندا سىرداريا وزەنى بويىنداعى قورعانىس بوگەت­تەرى مەن سۋ شارۋاشىلىعى نىساندارىنىڭ جاي-كۇيىنە الدىن الا زەرتتەۋ جۇمىستارى جۇرگىزىلدى. قاڭتار ايىندا سىرداريا وزە­نىندەگى سەڭ ءجۇرۋ كەزىندە سۋ الۋ ءقاۋپى تۋىن­داعان نەمەسە سۋ العان كەزىندە باسقارۋ ور­گان­دارىنىڭ، اۆاريالىق-قۇتقارۋ قىز­مەت­تەرىنىڭ كۇشتەرى مەن قۇرالدارىنىڭ شۇعىل ارەكەت ەتۋى مەن ءىس-قيمىلىنىڭ دايىندىعىن تەك­سەرۋ ءۇشىن اۋداندار مەن قىزىلوردا قالا­سىندا ارنايى تاكتيكالىق وقۋ-جاتتىعۋ ءوت­كىزىلىپ، انىقتاما دايىندالىپ، وبلىس اكىمىنە جانە ق ر ءىىم توتەنشە جاعدايلار كوميتەتىنە جولداندى.
جالپى، وبلىس اۋماعىنداعى قورعانىس بوگەتتەرىن قايتا قالپىنا كەلتىرۋ جۇمىسىنا وبلىستىق بيۋدجەتتەن ءتيىستى قارجى ءبولىنىپ، يگەرىلدى. اۆاريالىق-قۇتقارۋ قىزمەتتەرىنىڭ تەحنيكاسى مەن كۇش-قۇرالدارى ۇنەمى دايىن­دىقتا بولدى. 2014 جىلدىڭ جەلتوقسان ايىن­دا جانە 2015 جىلدىڭ اقپان ايىندا سىرداريا وزەنىنىڭ جاعدايىن باقىلاۋ ماقساتىندا وبلىس اكىمى ورىنباسارىنىڭ باسشىلىعىمەن وبلىستىق سۋ شارۋاشىلىعى قىزمەتتەرى باسشىلارى، دەپارتامەنت باس­تىعىمەن «قازاۋەقۇتقارۋ» اق مي-8 تىك­ۇشاعىمەن مونيتورينگ جاسالدى. 2014 جىلى ماۋسىم ايىندا ءازىربايجان رەسپۋبليكاسى توتەنشە جاعدايلار مينيسترلىگىنىڭ ۇيىم­داستىرۋىمەن گابالا قالاسىندا وتكەن «جاس قۇتقارۋشى» ءىى حالىقارالىق بالالار مەن جاسوسپىرىمدەر جارىسىنا وبلىس كومانداسى قاتىسىپ، 24 كوماندا ىشىنەن 3 ورىندى يەمدەندى. بيىلعى جىلى دا وسى قۇرامدا دايىندىق قارقىندى جۇرگىزىلىپ، قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنىڭ «جارتاستى قالا – استانا» وقۋ-جاتتىعۋ پوليگونىندا «قازقۇتقارۋ-2015» 20-حالىقارالىق جيىن-سەمينارىندا قىزىلوردا قالاسىنان قاتىس­قان «جاس قۇتقارۋشىلار» كومانداسى 2 ورىن­دى يەلەنىپ قايتتى. 2014 جىلى قىر­كۇيەك ايىندا «نەپتۋن -2014» رەسپۋبليكالىق وقۋ-ادىستەمەلىك جيىنى وبلىستا ءوتتى. وسى جارىسقا رەسپۋبليكادان 14 كوماندا جانە رەسەيدەن تجم بايقوڭىر قالاسىنان دا كوماندا قاتىستى. 
اعىمداعى جىلدىڭ ءى توقسانىندا وبلىس كولەمىندە 987 اۆاريالىق قۇتقارۋ جۇمىس­تارى جۇرگىزىلىپ، 3233 ادام جانە 1247 تەحنيكا جۇمىلدىرىلدى. اۆاريالىق-قۇتقارۋ جۇ­مىس­تارىندا 790 ادام قۇتقارىلدى، زارداپ شەككەن 166 ادامعا العاشقى مەديسينالىق كومەك كورسەتىلدى. توتەنشە جاعدايلار اۋ­ما­عىنان 351 ادام جانە 137 تەحنيكا كوشىرىلدى. 50 ءمايىت شىعارىلدى. 2015 جىلدىڭ ءى توق­سانىندا تىركەلگەن توتەنشە جاعداي سانى – 13، زارداپ شەككەن ادام سانى – 15، قايتىس بولعان ادام سانى – 12. «112» ارنايى تەلە­فونىنا حالىقتان تۇسكەن قوڭىراۋلارعا جاسالعان تالداۋ بويىنشا 2014 جىلدىڭ ءى توقسانىندا ورتا ەسەپپەن 801 قوڭىراۋ تۇسكەن («101» - 3؛ «102»-52؛«103»-63؛قۇتقارۋ جۇمىستارى بويىنشا – 144؛انىقتاما بو­يىن­شا – 51؛ باسقا دا قوڭىراۋلار – 488). حا­لىقتى قۇلاقتاندىرۋ ماقساتىندا «كسەلل»، «بيلاين»، «التەل» وپەراتورلارى ار­قىلى وبلىس حالقىنا «دا­بىلدى ەسكەر­تۋلەر»، «وبلىس اۆتوجولدارىندا اۆتوكولىك­تەردىڭ قوزعالىسىنا شەكتەۋ قويۋ» تۋرالى 935 134 ابونەنتكە سمس حابار­لامالارىن تاراتۋ ۇيىمداستىرىلدى. 
وسى ۋاقىتتا وبلىستا 72 ءورت وقيعاسى ورىن الىپ، 4 ادام قازا بولىپ، 6 ادام زارداپ شەككەن. ءورت وقيعاسى ءار ءتۇرلى نىسانداردا، جەكە ۇيلەردە ورىن الدى. مەرزىم ىشىندە 144 نىسانعا جانە 17 687 جەكە تۇرعىن ءۇيدىڭ ءورت قاۋىپسىزدىگىنە تەكسەرۋ جۇرگىزىلدى. ءورت قاۋiپسiزدiگi قاعيداسى تالابىن بۇزعان 6 جەكە تۇلعاعا ەسكەرتۋ جاسالىپ، 14 جەكە تۇلعاعا، 70 لاۋازىمدى تۇلعاعا اقشالاي ايىپپۇل سا­لىندى. ەلباسىنىڭ 2014 جىلعى 27 اقپان­داعى «قازاقستان رەسپۋبليكاسىندا كاسىپ­كەرلىك قىزمەت ءۇشىن جاعدايدى جاقسارتۋ جونىندەگى تۇبەگەيلى شارالار تۋرالى» №757 جارلىعىن باسشىلىققا الىپ، وبلىس كو­لەمىندە شاعىن جانە ورتا كاسىپكەرلىك سۋب­ەك­تىلەرىنە تەكسەرۋ جۇمىستارى توقتاتىلدى. وسىعان بايلانىستى، كۇندەلىكتى جۇمىس ورىندا كاسىپكەرلەردىڭ قازاقستان رەسپۋب­ليكاسىنىڭ 2014 جىلعى 11 ساۋىردەگى №188-V «ازاماتتىق قورعاۋ تۋرالى» زاڭى، ق ر ۇكى­مەتىنىڭ 2011 جىلعى 30 جەلتوقسانداعى №1682 قاۋلىسىمەن بەكىتىلگەن «ءورت ءقاۋىپ­سىزدىگى قاعيدالارى»، قازاقستان رەسپۋبليكاسى ۇكى­مەتىنىڭ 2009 جىلعى 16 قاڭتارداعى №14 قاۋلىسىمەن بەكىتىلگەن «ءورت قاۋىپسىزدىگىنە قويىلاتىن جالپى تالاپتار» تەحنيكالىق رەگلامەنتى تالاپتارىنىڭ ساقتالۋىنا نازار اۋدارۋى قاجەت. سوندىقتان دا بۇقارالىق اقپارات قۇرالدارى ارقىلى توتەنشە جاع­داي­دىڭ الدىن الۋ جۇمىسى جالعاسۋدا. دەپار­تامەنت تاراپىنان 2013 جىلدان بەرى اي سايىن «سىر قۇتقارۋشىسى» جۋرنالى جا­رىق­قا شىعىپ كەلەدى.
– ەندى قىزىلوردا وبلىسى توتەنشە جاعدايلار دەپارتامەنتىنىڭ 2015 جىلعى ءى  جارتىجىلدىعىندا ازاماتتىق قورعاۋ سالا­سىندا اتقارىلعان جۇمىستارى جانە 2015 جىلدىڭ ءىى جارتىجىلدىعىندا العا قويىل­عان ماقساتتارعا توقتالساڭىز. 
– اقپاراتتىق-ساراپتامالىق جۇمىستى جانداندىرۋ ماقساتىندا قاۋىپسىزدىك پاس­پورتى، تابيعي جانە تەحنوگەندىك سيپاتتاعى توتەنشە جاعدايلاردىڭ قاۋىپ-قاتەر كاتا­لوگى، وبلىستىڭ سۋ ايدىندارىنىڭ پاسپورتى دايىندالدى جانە ولارعا وزگەرىستەر ەنگى­ءزىل­ءدى. پاسپورت جانە كاتالوگ اقپاراتتار دەرەگىن جيناقتاۋ بانكىسىنىڭ نەگىزىن قۇرايدى جانە وبلىس اۋماعىندا تۋىنداۋى مۇمكىن تابيعي جانە تەحنوگەندىك سيپاتتاردى ساراپ­تاۋعا جانە قاۋىپ-قاتەردى انىقتاۋعا مۇمكىندىك بەرەدى.
جىل باسىنان بەرى قىزىلوردا وبلى­سى، قىزىلوردا قالاسى جانە اۋدان­دارداعى توتەنشە جاعدايلاردىڭ الدىن الۋ جانە ولاردى جويۋ كوميسسيالارىنىڭ 36، ونىڭ ىشىندە: وبلىس­تىق تجك-4 وتىرىسى (ونىڭ 2ء-ى كەزەكتەن تىس)، 32-قالالىق، اۋداندىق تجك وتىرىس­تارى، 3 سەلەكتورلىق ءماجىلىسى وتكىزىلدى. 2014 جىلى ەسەپتى مەرزىمدە تجك 6 وتىرىسى وتكىزىلدى. بيىلعى جىلعى ەسەپتى مەرزىمدە وبلىستىق تجك كەلەسى ماسەلەلەر:
قوسالقى باسقارۋ پۋنكتتەرىنىڭ، قورعا­نىس قۇرىلىستارىنىڭ جانە ازاماتتىق قور­عا­نىستىڭ جەكە قورعانۋ قۇرالدارىن جيناق­تاۋدىڭ جاي-كۇيى؛ وبلىس اۋماعىنداعى ءورت قاۋىپسىزدىگى؛ ارال اۋدانىندا ورىن العان توتەنشە جاعداي جانە جاڭاقورعان اۋدانىن­داعى قىراش سۋ قويماسىنىڭ جوندەۋ جۇ­مىستارى؛ قىس مەزگىلىندە وبلىستىڭ سۋ ايدىندارىندا ازاماتتاردىڭ قاۋىپسىزدىگىن قامتاماسىز ەتۋ؛ كونگو-قىرىم گەموررو­گيالىق قىزباسىنىڭ الدىن الۋعا بايلا­نىستى دارىلەۋ (دەزيينسەكسيالاۋ) زالال­سىزداندىرۋ جۇمىستارىن ۇيىمداستىرۋ؛ 2014-2015 جىلداردىڭ جەلتوقسان-قاڭتار ايلارىندا شيەلى اۋدانى اۋماعىندا سۋ تاسقىنى سالدارىنان ورىن العان توتەنشە جاعداي شىعىندارىن وتەۋ؛ سىرداريا وزەنى قورعانىس بوگەتتەرى مەن جاعالاۋدا ورنالاس­قان ەلدى مەكەندەردى سۋ باسۋ ءقاۋپىنىڭ الدىن الۋ؛ جازعى مەزگىلدە وبلىستىڭ سۋ ايدىن­دارىندا ازاماتتاردىڭ قاۋىپسىزدىگىن قامتا­ما­سىز ەتۋ شارالارى تۋرالى ماسەلەلەرى قارالدى. 
– كوميتەتتىڭ جوسپارى شەڭبەرىندە ماق­ساتتى ينديكاتورعا قول جەتكىزۋ جۇمىستارىنا توقتالساڭىز: 
– دەرەككە جۇگىنەر بولساق، تىركەلگەن توتەنشە جاعدايلار سانى – 54، بۇل كورسەتكىش 2014 جىلدىڭ سايكەس مەرزىمىمەن سالىس­تىر­عاندا 18،5 % كوبەيگەن. توتەنشە جاعداي­لاردا زارداپ شەككەن ادامدار سانى – 37، بۇل كورسەتكىش 2014 جىلدىڭ ەسەپتى مەرزىمىمەن سالىستىرعاندا 63،7 % تومەندەدى. توتەنشە جاعدايلاردا قايتىس بولعان ادامدار سانى – 33، بۇل كورسەتكىش 2014 جىلدىڭ ەسەپتى مەرزىمىمەن سالىستىرعاندا 17،5 % ازايدى. وبلىس اۋماعىنداعى سۋ ايدىندارىندا 17 تابيعي سيپاتتاعى توتەنشە جاعدايلار (سۋدا­عى زارداپ شەككەندەر) كورسەتكىشى 2014 جىل­دىڭ سايكەس مەرزىمىمەن سالىستارعاندا 11،7% كوبەيگەن. زارداپ شەككەندەر – 21 ادام، بۇل كورسەتكىش 2014 جىلدىڭ سايكەس مەرزىمىمەن سالىستىرعاندا 23،8% ارتتى. ۇگىت ناسيحات جۇمىستارىنىڭ جۇرگىزىلۋىنە قاراماستان كوپ­شىلىگى سۋعا تۇسۋگە، سۋدا دەمالۋعا ءالى قۇ­مار، ونىڭ اقىرى قايعىلى وقيعاعا سەبەپ بولۋدا. 
زەرتتەۋ جۇمىستارىنىڭ ناتيجەسى بو­يىن­شا انىقتالعان 30 اسا ءقاۋىپتى كەزەك كۇت­تىرمەيتىن ۋچاستوكتەردى قالپىنا كەلتىرۋگە وبلىستىق بيۋدجەتتەن 236،9 ملن تەڭگە قار­جى ءبولىندى. قاۋىپسىزدىكتى قامتاماسىز ەتۋ ماق­ساتىندا جاڭاقورعان اۋدانىنداعى «كول­توعان» سۋ قويماسىنىڭ قورعانىس بوگە­ءتىن قايتا نىعايتىپ، تەمىربەتونمەن بەكىتۋگە جانە 8 شاقىرىم لوتوك كانالىن سالۋ بويىنشا جۇمىستار اتقارىلۋدا. 
– اۆاريالىق-قۇتقارۋ جۇمىستارىن ءجۇر­گىزۋدە دە ەشقانداي ماسەلە جوق شىعار. 
– اۆاريالىق-قۇتقارۋ قىزمەتتەرىمەن وبلىس اۋماعىندا ورىن العان توتەنشە جاع­دايلاردا 1419 اۆاريالىق-قۇتقارۋ جۇمىس­تارى جۇرگىزىلىپ، 2281 جەكە قۇرام جانە 653 تەحنيكا بىرلىگى جۇمىلدىرىلدى. اۆاريالىق-قۇتقارۋ جۇمىستارى كەزىندە 261 ادام (ونىڭ ىشىندە – 98 بالا) قۇتقارىلدى، 107 زارداپ شەككەندەرگە (ونىڭ ىشىندە – 14 بالا) العاش­قى مەديسينالىق كومەك كورسەتىلدى. توتەنشە جاعدايلار اۋماعىنان 164 ادام كوشىرىلدى، قار باسقان اۋماقتاردان جانە اۆاريالىق جاعدايلاردا 34 اۆتوكولىكتەر ەۆاكۋاسيا­لان­دى، تۋىنداعان توتەنشە جاعدايلار كەزىندە قازا بولعان ادامداردىڭ 38 مايىتتەرى شى­عارىلدى. رەسپۋبليكالىق ماڭىزدى جولدار­دىڭ ءقاۋىپتى ۋچاسكەلەرىندە كۇرە جولدىق مەديسينالىق قۇتقارۋ بەكەتتەرى تاۋلىك بو­يىنا كەزەكشىلىكتى جۇزەگە اسىرادى، وبلىس اۋماعىندا زارداپ شەككەن حالىققا جەدەل مەديسينالىق جانە پسيحولوگيالىق كومەك كورسەتۋ ءۇشىن 3 كۇرە جولدىق مەديسينالىق قۇتقارۋ بەكەتتەرى قىزمەت اتقارۋدا. وبلىس اكىمىنىڭ 2015 جىلعى 20 اقپانداعى № 39 «وبلىستىق ازاماتتىق قورعاۋ قىزمەتتەرىن قۇرۋ تۋرالى» شەشىمىمەن 15 وبلىستىق ازاماتتىق قورعاۋ قىزمەتتەرى قۇرىلدى جانە ولاردىڭ ەرەجەلەرى بەكىتىلدى. وبلىس بويىن­شا 1 رەسپۋبليكالىق كوماندالىق-شتابتىق وقۋ-جاتتىعۋ، 8 نىساندى جاتتىعۋلار، 73 كومان­دالىق-شتابتىق جاتتىعۋلار، 304 «بالالاردى قورعاۋ كۇنى»، 54 ارنايى-تاكتي­كالىق جاتتىعۋلار، 80 سەيسميكالىق جات­تىعۋلار، 920 اۆاريالىق جاعدايلار بويىنشا جات­تىعۋلار وتكىزىلدى. دەپارتامەنتتىڭ پوزي­تيۆ­تىك ءيميدجىن قۇرۋ ماقساتىندا بۇقارالىق اقپارات قۇرالدار ارقىلى 2040 ماقالا جاريالاندى، 194 تەلەباعدارلامالار كور­سەتىلدى، 1216 راديوباعدارلامالار دايىندال­دى، ق ر ءىىم تجك ۆەب-سايتىندا 89 ماقالا جارىققا شىقتى. 2013 جىلدان باستاپ، دە­پارتامەنتتىڭ ۆەدومستۆولىق «سىر قۇتقارۋ­شى» جۋرنالى جارىققا شىقتى. اپتا سايىن دەپارتامەنتتىڭ سايتى (dchs-kyzylorda.kz) تولىقتىرىلادى جانە جاڭارتىلادى.
 2015 جىلدىڭ ءىى جارتىجىلدىعىندا دەپارتامەنتتىڭ نەگىزگى جانە العا قويعان ماقساتتارى ازاماتتىق قورعاۋ سالاسىندا مەملەكەتتىك ساياساتتى جۇرگىزۋ ماقساتىندا قازاقستان رەسپۋبليكاسى ۇكىمەتىنىڭ قاۋلى­لارى، ق ر ءىىم جانە تجك بۇيرىقتارى­نىڭ تالاپتارىن جۇزەگە اسىرۋ؛ 2015-2016 جىلدىڭ سۋ تاسقىنى كەزەڭىنە دايىندالۋ ماقساتىندا سىرداريا وزەنىنىڭ قورعانىس بوگەتتەرىن نىعايتۋ جانە سۋ قويمالارىنا كۇردەلى جۇ­مىس­تاردى جۇرگىزۋ، توتەنشە جاع­داي­لار تۋىنداعان جاعدايدا زارداپ شەكەندەر مەن قايتىس بولعانداردىڭ سانىن، ماتەريال­دىق شىعىننىڭ كولەمىن ازايتۋعا باعىت­تالعان الدىن الۋ جۇمىستارىن جانداندىرۋ، دەپار­تامەنت قىزمەتكەرلەرىنىڭ قۇقىقتىق ساۋات­تىلىعىن جانە مادەنيەتىن كوتەرۋ، جەكە جانە زاڭدى تۇلعالاردىڭ وتىنىشتەرىن ۋا­قىتىلى جانە ساپالى قاراۋدى قامتاماسىز ەتۋ، دەپارتامەنت قىزمەتكەرلەرىنىڭ تارا­پى­نان سىبايلاس جەمقورلىق قۇقىقبۇزۋشى­لىقتاردى بولدىرماۋدى قامتاماسىز ەتۋ سياقتى باسقا دا مىندەتتەر تۇر. سوندىقتان قازاقستان رەسپۋبليكاسى ۇكىمەتىنىڭ قاۋ­لى­لارىن، قازاقستان رەسپۋبليكاسى ىشكى ىستەر مينيسترلىگى جانە توتەنشە جاعدايلار كو­ميتەتىنىڭ بۇيرىقتارى مەن تاپسىرمالارىن ورىنداۋ ماقساتىندا وبلىستىق ازاماتتىق قورعاۋ جۇيەسىن ءتيىمدى ۇيلەستىرە وتىرىپ، وبلىس اكىمدىگىنىڭ جانە ازاماتتىق قورعاۋ قىزمەتتەرىنىڭ قولداۋىمەن ازاماتتىق قورعاۋ سالاسىنداعى مىندەتتەردى تولىق جانە ساپالى ورىنداۋ – باستى مىندەت.