سوتتا اسكەري پروكۋرور ءوزىن توناعان كۇدىكتىلەردى قاماۋعا الماۋدى سۇراعان. بقل تۋرالى «قامشى» پورتالى Tengrinews.kz-كە سىلتەمە جاساپ حابارلايدى.
اقتوبە قالاسىندا اسكەري پروكۋرور تاكسيدەن ءتۇسىپ ۇيىنە بارا جاتقان جەرىندە بەلگىسىز ەكى جىگىت قولىنداعى سومكەسىن الىپ قاشقان. پروكۋروردىڭ قولدى بولعان بارسەتكاسىندا سول كەزدە 50 مىڭ تەڭگە مەن 1000 اقش دوللارى جانە پروكۋروردىڭ قىزمەتتىك كۋالىگى بولعان.
كوپ ۇزاماي ۇرىلار قولعا ءتۇسىپ، ولاردىڭ الدەبىر جشس-نىڭ 25 جاستاعى جۇمىسشىلارى ەكەنى انىقتالدى. ۇستالعاندار ءوز كىنالارىن مويىنداپ، تونالعان اقشانى يەسىنە قايتارعان. اتالعان ءىس بويىنشا سوت بارىسىندا جاپا شەككەن پروكۋرور ۇستالعان جىگىتتەردىڭ جاس ەكەندىگىن جانە كەلتىرىلگەن شىعىننىڭ جوقتىعىن ەسكەرىپ، سوتتان ولاردى باس بوستاندىعىنان ايىرماۋدى سۇراعان. الايدا، پروكۋرورداي ەمەس، سۋديا قاتالدىق تانىتىپ، ەكى جىگىتكە 4، 5 جىلدان باس بوستاندىعىنان ايىرۋ جازاسىن كەسىپ بەرگەن.
