شانحايدا ءبىرۋاقىتتا 511 ادام پيسساعا ارنالعان قامىر يلەدى. ءسويتىپ ولار جاڭا الەمدىك رەكورد ورناتىپ، رەسمي تۇردە گيننەستىڭ رەكوردتار كىتابىنا ەنگىزىلدى. بۇل تۋرالى «قامشى» پورتالى China News-كە سىلتەمە جاساپ حابارلايدى.
بايقاۋ شارتتارى بويىنشا، بارلىق قاتىسۋشىلار ديامەترى 30،5 سم پيسساعا ارنالعان قامىردى ءبىر ۋاقىتتا قولمەن اينالدىرا اۋادا دوڭگەلەتىپ ازىرلەۋى ءتيىس. مۇنى كەم دەگەندە ءبىر مينۋتتا ورىنداۋ قاجەت. قاتىسۋشىلار مىندەتتەرىن ءساتتى ورىنداپ جاڭا رەكورد ورناتتى.
رەكورد ورناتۋ ءۇشىن پايدالانىلعان قامىر ىسىراپ ەتىلمەي، 511 پيسسا جاسالىپ، ارتىنشا ساتىلىپ كەتتى. الىنعان قاراجات قايىرىمدىلىققا اۋدارىلدى.
