31ء-شى ارنادا قازاننىڭ جيىرما التىنشى جۇلدىزىندا «ايتي-مولودەس» اتتى جاڭا تەلەحيكايا باستالدى. تۇساۋكەسەر وتە ءساتتى بولىپ شىقتى: سەريالدىڭ ءبىرىنشى ءبولىمىنىڭ كورسەتكىشى حالىق اراسىندا 11،9% قۇراسا، جالپى رەيتينگ كورسەتكىشى 2،7. الماتى قالاسىنىڭ وزىندە «ايتي-مولودەس» تەلەحيكاياسى حالىق اراسىندا 22،5% پايىزىن جيناپ، رەيتينگ كورسەتكىشى 6،61 بولدى!

         "ايتي-مولودەس" حيكاياسىنىڭ جەلىسى بويىنشا ايدار ەسىمدى اقش-تا “بولاشاق” باعدارلاماسى ارقىلى MIT ماماندىعىن ءبىتىرىپ كەلەگەن جىگىت تۋرالى بولماق. الدىنا ۇلكەن جوسپار قويعان باستى كەيىپكەر، ءتۇرلى يدەياعا تولى جوبالاردى ويلاپ، شەت ەلدەگى Apple كومپانياسىندا جۇمىس ىستەۋدى ارماندايدى. الايدا، «بولاشاق» باعدارلاماسىمەن وقىپ كەلگەن ايدار، ءوز ەلىنە ەكى جىل قىزمەت اتقارۋعا ءتيىس. تاڭداۋ قۇقىعى قالماعان جىگىت، ءتىپتى Google Maps-تان تابىلمايتىن اۋىلعا تاپ بولادى.

          باستى كەيىپكەر وقيعا جەلىسىنىڭ دامۋى بويىنشا اۋىل تۇرعىندارىنا زامانۋي تەحنولوگيانىڭ قاجەتتىلىگىن ۇيرەتىپ، جاڭا گادجەتتاردى، كوكەيكەستى جوبالاردى ويلاپ تاۋىپ، اۋىلعا ينۆەستورلاردىڭ قىزىعۋشىلىعىن تۋدىردى. ايدار قازاق ءتىلىن ۇيرەنۋگە تالپىنىپ، ءوزىنىڭ ۇلتتىق ەرەكشەلىكتەرىن تانىپ، ءتىپتى ەت جەمەۋ ادەتىن تاستاپ، ومىرىندە العاش رەت ەت جەي باستادى.   

          حيكايانىڭ باستى ماقتانىشى تانىمال، كاسىپقوي اكتەرلەردىڭ بىرگە ءبىر سيۋجەتتە باس قوسۋى بولىپ وتىر. تۋىندىنىڭ جۇلدىزى - راۋان مۇراتالييەۆ، كۆن قۇراماسىنىڭ مۇشەسى گۇلنار سيلبايەۆا، بەلگىلى ازىلكەش، اكتەر ءابۋناسىر سەرىكوۆ سىندى تالانتتى ونەر يەلەرى ءوز كەيىپكەرلەرىن جاقسى سومداپ شىقتى.

          كەيىپكەردىڭ تاعدىرى كوپتەگەن تۇبەگەيلى وزگەرىستەرگە تاپ بولادى. ۇيرەنشىكتى تۇرمىس قالپىن وزگەرتىپ، ءوزىنىڭ سۇيىكتىسىن كەزدەستىرەدى! ءبىزدىڭ كەيىپكەرىمىز قانداي ءومىردى تاڭدايدى؟ شەت ەلىندەگى تاماشا مانساپ پا؟ الدە باقىتتى ءارى دۋماندى اۋىل ءومىرى مە؟

سونىمەن، «ايتي-مولودەس» تەلەحيكاياسى 26-شى قازاننان باستاپ 31 ارنادا ساعات 23.00-دە!