بۇگىن الماتىدا "جەلتوقسان اقيقاتى" ۇيىمىنىڭ ءۇش وكىلى 15 اقپاندا ديەۆالۆاسياعاقارسىلىق اكسياسىنا شىققانى ءۇشىن اكىمشىلىك سوت شەشىمىمەن قامالعان ازاماتقا قولداۋ ءبىلدىرۋ ماقساتىندا لوباچيەۆسكيي كوشەسىندە ورنالاسقان اباقتىعا باردى. ازاتتىق ءتىلشىسىنىڭ حابارلاۋىنشا، بەلسەندىلەر قاماۋداعى ازاماتقا وزدەرى اكەلگەن گۇلدى دە تاپسىرماق بولعان. ءبىراق جابىق مەكەمە قىزمەتكەرلەرى "اباقتىنىڭ پەرزەنتحانا ەمەس ەكەنىن" ايتىپ، گۇلدەرىن قابىلداۋدان باس تارتتى. بۇدان سوڭ اباقتى الدىندا از-كەم ۋاقىت تۇرعان بەلسەندىلەر تارقاپ كەتتى. الماتىدا 15-16 اقپان كۇندەرى كەيبىر ازاماتتار تەڭگە ديەۆالۆاسياسى مەن قىمباتشىلىققا قارسىلىق ءبىلدىرىپ، كوشەگە شىققان. ەكى كۇن ىشىندە قىرىققا جۋىق ادام ۇستالىپ، ولاردىڭ بىرەۋى سوت شەشىمىمەن 10 تاۋلىككە قامالدى، ۇستالعانداردىڭ كوپشىلىگىنە اكىمشىلىك ايىپپۇلدار سالىندى. اقپاننىڭ 11ء-ى كۇنى قازاقستان ۇلتتىق بانكى ۇلتتىق ۆاليۋتا - تەڭگەنىڭ اقش دوللارىنا شاققانداعى بۇرىنعى باعامىن ۇستاپ تۇرۋدان باس تارتقان سوڭ، تەڭگەنىڭ باعامى كۇرت ءتۇسىپ كەتتى. سول كۇنگە دەيىن 155-156 تەڭگەنىڭ توڭىرەگىندە بولعان 1 اقش دوللارىنىڭ باعامىن ۇلتتىق بانك 185 تەڭگە دەپ بەلگىلەگەن ەدى.

"ازاتتىق  راديوسى"