ق ر پرەزيدەنتى نۇرسۇلتان نازاربايەۆ ميلليونداعان قازاقستاندىقتاردىڭ جانە جەكە ءوزىنىڭ اتىنان دەنيس تەندى سوچيدە ءوتىپ جاتقان XXII قىسقى وليمپيادالىق ويىنداردا قولا مەدال جەڭىپ الۋىمەن قۇتتىقتادى. بۇل تۋرالى
اقوردانىڭباسپا ءسوز قىزمەتىنەن حابارلادى. «ءبىزدىڭ ءبارىمىز الەمنىڭ ەڭ ۇزدىك مانەرلەپ سىرعاناۋشىلارى اراسىنداعى تارتىستى باسەكەگە ۇلاسقان مۇز ايدىنىنداعى سەنىڭ ونەرىڭدى دەمىمىزدى ىشكە تارتا وتىرىپ باقىلاۋمەن بولدىق. سەن ءبىزدىڭ ءۇمىتىمىزدى اقتاپ، ەلىمىز تاريحىندا العاش رەت سپورتتىڭ وسى تۇرىنەن وليمپيادالىق ناگرادانى جەڭىپ الدىڭ»، - دەلىنگەن قۇتتىقتاۋ جەدەلحاتىندا. سوڭىندا مەملەكەت باسشىسى د.تەنگە زور دەنساۋلىق جانە سپورت سالاسىندا جاڭا تابىستار تىلەدى. ەستەرىڭىزگە سالا كەتەيىك، دەنيس تەن سوچيدە ءوتىپ جاقان ءححىى قىسقى وليمپيادادا مانەرلەپ سىرعاناۋ بويىنشا قولا جۇلدەگەر اتانىپ، ەل قۇراماسىنا العاشقى مەدالدى اپەردى. دەنيس تەن سوچي وليمپياداسىنا دەيىن 2011 جىلى استانا مەن الماتىدا وتكەن ازيا ويىندارىندا - التىن، 2013 جىلى كانادادا وتكەن الەم چەمپيوناتىندا كۇمىس مەدال العان. ول سوچي وليمپياداسىندا ۇتقان قولا جۇلدەسى ءۇشىن قازاقستان ۇكىمەتىنەن
75 مىڭ دوللار كولەمىندەسىياقى الادى. دەنيس تەننىڭ قولا جۇلدەسى - قازاقستان ءۇشىن سوچيدەگى العاشقى مەدال. ءقازىر قازاقستان جالپىكوماندالىق ەسەپتە 25-ورىندا تۇر.
(قازاقپارات جانە ازاتتىق راديوسى دەرەكتەرى نەگىزىندە دايارلاندى)
پىكىر قالدىرۋ