ەلباسى نۇرسۇلتان نازاربايەۆ ۇلىبريتانيا پرەمەر-مينيسترى ديەۆيد كەمەروندى 1-دارەجەلى «دوستىق» وردەنىمەن ناگرادتادى. بۇل تۋرالى «قامشى» پورتالى حابارلايدى.

پرەزيدەنت نۇرسۇلتان نازاربايەۆ پەن ۇلىبريتانيا پرەمەر-مينيسترى ديەۆيد كەمەروننىڭ كەزدەسۋى بارىسىندا ەكى ەلدىڭ اراسىنداعى قارىم-قاتىناس ماسەلەلەرىن تالقىلاندى. ەلباسى ديەۆيد كەمەروندى سوڭعى پارلامەنت سايلاۋىنداعى جەڭىسىمەن جانە جاڭا ۇكىمەتتىڭ جاساقتالۋىمەن قۇتتىقتادى. سونداي-اق، كەزدەسۋ ۇستىندە ن. نازاربايەۆ ديەۆيد كەمەروندى 1-دارەجەلى «دوستىق» وردەنىمەن ناگرادتادى.

«دوستىق» وردەنى – بەيبىتشىلىك پەن دوستىقتى، ەلدەر اراسىنداعى ارىپتەستىكتى نىعايتۋعا قوسقان ۇلەسى ءۇشىن بەرىلەتىن مەملەكەتتىك ناگرادا. بۇعان دەيىن اتالعان وردەنمەن كوفي اننان، ۇلكەن دجوردج بۋش، حيللاري كلينتون، لي كۋان يۋ، پان گي مۋن سىندى الەمدىك قايراتكەرلەر ماراپاتتالعان.

ەستەرىڭىزگە سالا كەتەيىك، ديەۆيد ۋيليام دونالد كەمەرون (كامەرون) — بريتاندىق ساياساتكەر، كونسەرۆاتورلار پارتياسىنىڭ (2005 جىلدان بەرى) جەتەكشىسى، ۇلىبريتانيا جانە سولتۇستىك يرلانديا بىرىككەن كورولدىگىنىڭ 2010 جىلدان بەرى پرەمەر-مينيسترى.  

ءبىلال قۋانىش

لوندون