بۇگىن لوندوندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن ۇلىبريتانيا پرەمەر-مينيسترى ديەۆيد كەمەروننىڭ كەزدەسۋى وتۋدە. بۇل تۋرالى «قامشى» پورتالى حابارلايدى.

كەزدەسۋدە ەلباسى نۇرسۇلتان نازاربايەۆ ديەۆيد كەمەروننىڭ 2013 جىلى قازاقستانعا جاساعان ساپارى ەكى جاقتى قارىم-قاتىناسقا تىڭ سەرپىن بەرگەنىن اتاپ ايتتى. سونىمەن قاتار، كەزدەسۋ بارىسىندا قازاقستاندىق دەلەگاسيا بريتاندىق ارىپتەستەرىمەن ءبىرقاتار كەلىسىمدەرگە قول جەتكىزگەنىن ايتتى.

«مەنىڭ وسى ساپارىمنىڭ باعدارلاماسىنىڭ كۇردەلى بولۋى ءبىزدىڭ ەلدەر اراسىنداعى بايلانىستىڭ اۋقىمىن بىلدىرەدى»،-دەدى ءوز سوزىندە پرەزيدەنت ن. نازاربايەۆ.

ديەۆيد كەمەرون دا ساۋدا-ساتتىق، ونەركاسىپ سالاسىنا ينۆەستيسيا تارتۋدان قازاقستاننىڭ ناتيجەلى جۇمىسىنا نازار اۋدارتتى.

كەزدەسۋ بارىسىندا ەكى ەل اراسىنداعى ءوزارا قۇقىقتىق كومەك كورسەتۋ تۋرالى كەلىسىمگە، قر-ى مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگى مەن ۇلىبريتانيا مينيسترلەر كابينەتى حاتشىلىعى اراسىنداعى ءوزارا تۇسىنىستىك تۋرالى مەموراندۋمعا، ۇلىبريتانيا جانە سولتۇستىك يرلانديا بىرىككەن كورولدىگىنىڭ استانادا وتەتىن «ەكسپو-2017» حالىقارالىق كورمەسىنە قاتىسۋى تۋرالى كەلىسىمگە قول قويىلدى. 

جالپى، ەلباسىنىڭ وسى ساپارى بارىسىندا ءبىلىم بەرۋ، مۇناي-گاز سالاسىنا قاتىستى جالپى قۇنى 5 ميلليارد دوللارعا جۋىق كەلىسىم-شارتتارعا قول قويىلادى دەپ كۇتىلۋدە. 

ءبىلال قۋانىش

لوندون