سالەمەتسىزدەر مە؟ مەنىڭ اتىم كودزاسا. توكيودا وقيمىن. مەن ءقازىر قازاق ءتىلىن ۇيرەنىپ ءجۇرمىن. جاقىندا قازاق اقىنى ءسۇيىنباي ارون ۇلىنىڭ 200 جىلدىق مەرەيتويىنا قاتىستىم. الماتى وبلىسى، قاراقىستاق اۋىلىندا وتكەن توي وتە تاماشا ەكەن. بۇل تويدان مەن مول تاجىريبە جينادىم. بۇل توي مەنىڭ قازاق تىلىنە دەگەن سۇيىسپەنشىلىگىمدى ارتتىرا ءتۇستى. ءسۇيىنباي ارون ۇلىنىڭ تويىنا ۇكىمەت قىزمەتكەرلەرى، اتاقتى جازۋشىلار جينالىپتى، ال جاپون ستۋدەنتتەرىنىڭ بۇنداي تويعا قاتىسۋى العاش رەت. كەڭەس وداعىنىڭ قالدىعى بولار، قازاقستاندا ءقازىردىڭ وزىندە ورىس ءتىلى كەڭىنەن قولدانىستا، الايدا بۇنداي ءداستۇرلى ۇلكەن تويلاردا ەل تەك قازاق تىلىندە سويلەيدى ەكەن. ساحنادا ونەر كورسەتكەن ءداستۇرلى بيشىلەر، دومبىراشىلاردان بولەك، ۇكىمەت ادامدارى مەن جازۋشىلار وداعىنىڭ وكىلدەرى، ءسۇيىنبايدىڭ ۇرپاقتارىنىڭ قازاق تىلىندەگى باياندامالارى  بىرىنەن كەيىن ءبىرى جالعاسىپ جاتتى. قازاقتىڭ ۇلتتىق تاعامدارىنىڭ مەن ءۇشىن ورنى ەرەكشە. اسىرەسە، قۋىرداق پەن پالاۋ... مەن قازاق ءتىلىن ۇيرەنىپ العان سوڭ قازاق تويى جايىندا ەڭبەك جازعىم كەلەدى.

سالەممەن، كودزاسا ميدزۋكي