قازاقستاندا مىندەتتى مەديسينالىق ساقتاندىرۋ قورىنا جارنا تولەۋدەن ازاماتتاردىڭ 15 ساناتى بوساتىلادى. بۇل تۋرالى «قامشى» پورتالى primeminister.kz. –كە سىلتەمە جاساپ حابارلايدى.
«مىندەتتى اي سايىنعى جارنالار مەن مەديسينالىق قىزمەتتەردى ساتىپ الۋدى توپتاستىرۋ ءۇشىن ق ر ءدسادم مەديسينالىق قىزمەتتەردى تولەۋ كوميتەتىنىڭ بازاسىندا كوممەرسيالىق ەمەس اكسيونەرلىك قوعامنىڭ ۇيىمداستىرۋشىلىق-قۇقىقتىق فورماسىندا «الەۋمەتتىك مەديسينالىق ساقتاندىرۋ قورى» قۇرىلاتىن بولادى. قوردىڭ قۇرىلتايشىسىى ءارى جالعىز اكسيونەرى قر-نىڭ ۇكىمەتى بولماق»، - دەپ حابارلادى استانادا وتكەن «مىندەتتى الەۋمەتتىك مەديسينالىق ساقتاندىرۋ تۋرالى» ق ر زاڭىنىڭ نورمالارىن تۇسىندىرۋگە ارنالعان بريفينگتە ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى الەكسەي سوي.
ونىڭ ايتۋىنشا، اتالعان قورعا جارنا تولەۋدەن ازاماتتاردىڭ 15 ساناتى بوساتىلادى. ونىڭ ىشىندە: بالالار، «التىن القا»، «كۇمىس القا» يەگەرلەرى، بۇرىن «باتىر انا» اتانعاندار، سونىمەن قاتار I جانە II دارەجەلى «انالىق داڭق» وردەنىمەن ماراپاتتالعان كوپ بالالى انالار؛ ۇوس ارداگەرلەرى مەن مۇگەدەكتەرى؛ مۇگەدەكتەر؛ جۇمىسسىز رەتىندە تىركەلگەن ازاماتتار؛ ينتەرنات مەكەمەلەرىندە وقىتىلىپ، تاربيەلەنىپ جاتقان تۇلعالار؛ سونداي-اق تەحنيكالىق، كاسىپتىك، ورتا بىلىمنەن كەيىنگى جانە جوعارعى ءبىلىم بەرۋ ۇيىمدارىندا كۇندىزگى بولىمدەردە، سونىمەن قاتار رەزيدەنتۋرا فورماسىنداعى جوو-دان كەيىن ءبىلىم الىپ جاتقان تۇلعالار بار.
بۇدان وزگە، جارنا تولەۋدەن بالا تۋۋعا، بالا اسىراپ الۋعا، 3 جاسقا دەيىنگى بالا كۇتىمىنە بايلانىستى دەمالىستاعى تۇلعالار؛ جۇمىس ىستەمەيتىن جۇكتى ايەلدەر، ءىس جۇزىندە 3 جاسقا دەيىنگى بالانى تاربيەلەپ وتىرعان جۇمىسسىز ازاماتتار؛ زەينەتكەرلەر؛ اسكەري قىزمەتكەرلەر؛ ارناۋلى مەملەكەتتىك قىزمەت جۇمىسكەرلەرى؛ قۇقىق قورعاۋ ورگاندارىنىڭ جۇمىسكەرلەرى؛ ەڭ تومەنگى دەڭگەيدەگى قاۋىپسىزدىك مەكەمەلەرىن ەسەپتەمەگەندە سوت شەشىمىمەن قاج مەكەمەلەرىندە ايىبىن وتەۋشىلەر؛ ۋاقىتشا ۇستاۋ وقشاۋلاعىشتارى مەن تەرگەۋ وقشاۋلاعىشتارىنداعى ازاماتتار بوساتىلادى.
ا.سوي ەسكە سالىپ وتكەندەي، «مىندەتتى الەۋمەتتىك مەديسينالىق ساقتاندىرۋ تۋرالى» زاڭ بيىلعى جىلدىڭ 29 قازانىندا ق ر پارلامەنتىندە قابىلداندى. اتالعان قۇجاتتى ق ر ءدسادم ق ر زاڭ جوباسىن مەملەكەت باسشىسى ايقىنداعان بەس ينستيتۋسيونالدىق رەفورمانى ىسكە اسىرۋ جونىندەگى 100 ناقتى قادام - ۇلت جوسپارىنىڭ 80ء-شى قادامىن ىسكە اسىرۋ شەڭبەرىندە ازىرلەگەن. زاڭدى دايىنداۋ بارىسىندا ۇزدىك حالىقارالىق تاجىريبە مەن الەۋمەتتىك ادىلەتتىلىك قاعيدالارى قولدانىلدى.
