كەشە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ فرانسيا استاناسى پاريجگە باردى. بۇگىن ەلباسىنىڭ فرانسياعا رەسمي ساپارى باستالادى. بۇل تۋرالى «قامشى» پورتالى حابارلايدى.

پرەزيدەنت پاريجدە فرانسيا پرەزيدەنتى ف. وللاندپەن كەزدەسىپ، ساياسي، ىسكەر توپ وكىلدەرىمەن كەلىسسوزدەر جۇرگىزەدى، ءبىرقاتار قۇجاتتارعا قول قويىلادى دەپ كۇتىلۋدە. سونىمەن قاتار، ن. نازاربايەۆ يۋنەسكو باس كونفەرەنسياسىنىڭ 38-سەسسياسىنا قاتىسادى.

پرەزيدەنت ن. نازاربايەۆ پاريجگە لوندوننان ۇشىپ كەلدى. وندا ەلباسى ۇلىبريتانيا پاتشايىمى ءىى ەليزاۆەتا، پرەمەر-مينيستر د. كەمەرونمەن، باسقا دا مەملەكەت قايراتكەرلەرى، ىسكەر توپ وكىلدەرىمەن كەزدەسۋ وتكىزىپ، ەكى ەل اراسىنداعى ساۋدا-ەكونوميكالىق، قۇقىقتىق قارىم-قاتىناستاردى رەتتەيتىن ءبىرقاتار كەلىسىمدەرگە قول قويدى.

ءبىلال قۋانىش

پاريج