استانادا العاش رەت «نۇر وتان» پارتياسىنىڭ قولداۋىمەن قازاق تىلىندە ۇسىنىلىپ وتىرعان بريتاندىق اگەنت دجەيمس بوند جايىنداعى جيىرما ءتورتىنشى «007: سپەكتر» ءفيلمىنىڭ تانىستىرىلىم-كورسەتىلىمى ءوتتى. بۇل تۋرالى «قامشى» پورتالى پارتيانىڭ باسپا ءسوز قىزمەتىنە سىلتەمە جاساپ حابارلايدى.

«007: سپەكتر» ءفيلمى 2011 جىلدان بەرى وتاندىق كينوتەاترلاردا مەملەكەتتىك تىلدە شىعاتىن 12ء-شى كينوكارتينا جانە 2015 جىلدىڭ 3ء-شى كينوپرەمەراسى بولىپ تابىلادى. «بولاشاق» قاۋىمداستىعى بەس جىلدان بەرگى كەزەڭدە الەم دەڭگەيىنە تانىلعان كينوتۋىندىلار مەن انيماسيالىق فيلمدەردى قازاق تىلىنە اۋدارۋ باستاماسىن تابىستى ىسكە اسىرىپ كەلەدى. وسى جىلدار ىشىندە 11 گولليۆۋدتىق بلوكباستەر مەملەكەتتىك تىلگە اۋدارىلىپ، دۋبلياجدالدى.

تۇڭعىش رەت قازاق تىلىندە دىبىستالعان فيلمدەردىڭ قاتارىندا «كولىكتەر-2»، «باتىل جۇرەك»، «مونسترلار ۋنيۆەرسيتەتى»، «گالاكتيكا ساقشىلارى»، «كۇلشەقىز»، «كەك الۋشىلار: الترون ءداۋىرى» جانە ت.ب. سىندى الەمنىڭ كينوسۇيەر قاۋىمى جوعارى باعا بەرگەن تۋىندىلار بار.

قازاق تىلىنە دۋبلياجدالعان ءفيلمنىڭ تانىستىرىلىمىنا قاتىسقان «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى بەرىك قۇرمانعالي وسىنداي يگى باستاماعا «نۇر وتان» پارتياسى بىلتىرعى جىلدان بەرى قولداۋ ءبىلدىرىپ، وتاندىق كينوتەاترلاردا قازاق تىلىندە كورسەتىلەتىن فيلمدەر ۇلەسىن ارتتىرۋعا سەپتىگىن تيگىزىپ جاتقاندىعىن جەتكىزدى. 

وسى جوبانىڭ ارقاسىندا قازاق ءتىلى ايگىلى Columbia Pictures كينوكومپانياسى ازىرلەگەن فيلمدەردى دۋبلياجداۋدا 7ء-شى الەمدىك ءتىل بولىپ بەكىتىلسە، اتاقتى Walt Disney ستۋدياسىندا جاسالعان فيلمدەردى دۋبلياجداۋدا 7 مىڭ الەم تىلدەرىنىڭ ىشىندە 39-شى ورىندا تۇر.

سونداي-اق ب.قۇرمانعالي مەملەكەتتىك ءتىلدىڭ بەدەلىن ارتتىرۋعا باعىتتالعان جوبانى قولعا الىپ، ءوز دەڭگەيىندە ىسكە اسىرۋعا بەلسەنە كىرىسكەن بارشا ۇيىمداستىرۋشىلارعا پارتيا اتىنان العىس ءبىلدىردى.

«007: سپەكتر» ءفيلمىنىڭ قازاق تىلىندەگى نۇسقاسىنىڭ الدىن الا كورسەتىلىمى الماتى قالاسىندا دا ءوتتى.