ەلباسى نۇرسۇلتان نازاربايەۆ كەشە فرانسيا پرەزيدەنتى فرانسۋا وللاندپەن كەزدەسىپ، ءبىرقاتار ماسەلەلەردى تالقىلادى. بۇل تۋرالى «قامشى» پورتالى حابارلايدى.

نۇرسۇلتان نازاربايەۆتى فرانسيالىق ارىپتەسى ەكەرشە سان-سالتاناتپەن قارسى الدى. ەليسەي سارايىندا فرانسيا پرەزيدەنتىنىڭ قۇرمەت قاراۋىلى مەن وركەسترى نۇرسۇلتان نازاربايەۆقا ۇلكەن قۇرمەت بەلگىسىن كورسەتتى. قوس ەل پرەزيدەنتتەرىنىڭ كەزدەسۋى ودان ءارى ساراي ىشىندە جالعاستى.

كەزدەسۋ كەزىندە قازاقستان مەن فرانسيا پرەزيدەنتتەرىنىڭ اۋىزشا بىرلەسكەن دەكلاراسياسى قابىلداندى، فرانسيانىڭ ەكسپو-2017 كورمەسىنە قاتىسۋى تۋرالى كەلىسىمگە، ق ر يدم اەروعارىش كوميتەتى مەن فرانسيانىڭ ۇلتتىق عارىشتىق زەرتتەۋلەر ورتالىعى عارىش سالاسىنداعى ارىپتەستىك تۋرالى دەكلاراسياعا قول قويىلدى. سونداي-اق، ەكى ەل ءبىلىم جانە عىلىم مينيسترلىگى اراسىندا دا بىرلەسكەن دەكلاراسيا قابىلداندى.

سونىمەن قاتار، فرانسۋا وللاندتىڭ  قازاقستانعا ساپارىندا قول جەتكىزىلگەن كەلىسىمدەردىڭ جاي-جاپسارى دا اڭگىمەگە ارقاۋ بولدى. 

ەلباسى ن. نازاربايەۆ فرانسيانىڭ قازاقستان ءۇشىن ماڭىزدى سەرىكتەس ەكەنىن جانە ەكى ەل اراسىندا بۇگىنگى تاڭدا ەكونوميكا مەن ساياساتتىڭ ءتۇرلى سالاسىندا تەرەڭ تۇسىنىستىك قالىپتاسقانىن باسا ايتتى. ءوز كەزەگىندە فرانسۋا وللاند تا قازاق ەلىنە دەگەن اق جۇرەگىن اقتاردى. بۇگىنگى داعدارىس قيىندىقتارى ەلدىڭ الەۋەتىن ارتتىرۋعا كومەكتەسسىن دەگەن تىلەكتەرىن ايتا كەلە، قازاقستاننىڭ ارىپتەستىكتى دامىتۋ ۇسىنىسى فرانسيانىڭ نيەتىمەن ۇندەس ەكەنىن جەتكىزدى.

​

«ءبىزدىڭ امبيسيامىز جەتكىلىكتى. سوندىقتان دا فرانسيا قازاقستان ءۇشىن ءارقاشان دا اشىق»، - دەدى فرانسۋا وللاند.

فرانسيا مەن قازاقستان اراسىندا بۇگىندە تىعىز ارىپتەستىك قارىم-قاتىناس ورناعان. 2015 جىلدىڭ 1 توقسانىندا ەكى ەل اراسىنداعى تاۋار اينالىمى 806، 6 ميلليون اقش دوللارىن قۇراعان. 2014 جىلعى بۇل كورسەتكىش 5، 776ميلليارد دوللارعا تەڭ.

ءبىلال قۋانىش

پاريج

Cۋرەتتەر اقوردا سايتىنان الىندى.