جاقىن ارادا ەل بيۋدجەتى قايتا قارالۋى مۇمكىن. بۇل تۋرالى «قامشى» پورتالى كتك-عا سىلتەمە جاساپ حابارلايدى.

دوللار باعامىنىڭ كۇرت كوتەرىلۋى رەسپۋبليكالىق بيۋدجەتتى قايتا قاراۋعا اكەپ سوعۋى مۇمكىن ەكەنىن ۇلتتىق ەكونوميكا ءمينيسترى ەربولات دوسايەۆ مالىمدەدى. ۇكىمەت بيۋدجەت شىعىندارىن مۇقيات زەرتتەپ، ونداعى قىسقارتۋعا بولاتىن باعىتتاردى انىقتاماق.

جىل باسىندا بيۋدجەتكە ەلباسى تاپسىرماسى بويىنشا وزگەرىستەر ەنگىزىلىپ، شىعىندار 700 ميلليارد تەڭگەگە قىسقارعان بولاتىن. ول وزگەرىستەرگە ساي الماتىدا وتەتىن ۋنيۆەرسيادا، استاناداعى ەكسپو-2017 كورمەسى جانە باسقا مەرەكەلىك ءىس-شارالاردىڭ سمەتاسى تومەندەتىلدى. بۇل وزگەرىستەر ول كەزدە مۇناي مەن مەتالل باعاسىنىڭ قۇلدىراۋىمەن ءتۇسىندىرىلدى.

ۆاليۋتا نارىعىنداعى سوڭعى قۇبىلىستار 2016-2018 جىلعا ارنالعان بيۋدجەتتى تاعى دا ناقتىلاۋعا اكەپ سوعىپ وتىر. ەستەرىڭىزگە سالساق، بۇل بيۋدجەتتە مۇناي باررەلىنىڭ باعاسى قىرىق دوللار دەپ بەلگىلەنىپ، اقش دوللارىنىڭ باعامى 250 تەڭگەدەن اسپايدى دەپ جوسپارلانعان بولاتىن. مۇناي باعاسى قازىرگى تاڭدا ويداعىداي بولعانمەن، ۆاليۋتا باعامى ۇكىمەت مۇشەلەرىن ءبىراز اۋرەلەيتىن سياقتى.

«بۇل ماسەلەدە اتاپ وتەرلىك بىرنەشە فاكتورلار بار. ۇلتتىق بانكتىڭ جاڭا باسشىلىعى قاجەتتى شارالاردى قولدانادى دەپ سەنەمىن. ۇكىمەتكە ۇلتتىق بانكتىڭ تەڭەستىرىلگەن، انىق اقشا-ۆاليۋتالىق ساياسات جۇرگىزگەنى كەرەك. ويتكەنى، بقل ءبىزدىڭ الدىمىزعا قويىلعان مىندەتتەردى ءساتتى ورىنداۋدىڭ نەگىزگى بولىپ تابىلادى»، - دەيدى ۇلتتىق ەكونوميكا ءمينيسترى ەربولات دوسايەۆ.