قازان ايىنىڭ 1 كۇنى باستالعان ازاماتتاردى مەرىزىمدى اسكەري قىزمەتىن وتەۋگە شاقىرۋ اياقتالدى. بۇل تۋرالى «قامشى» پورتالى قازاقستان رەسپۋبليكاسى قورعانىس مينيسترلىگىنىڭ باسپا ءسوز قىزمەتى سىلتەمە جاساپ حابارلايدى.
قازان ايىندا باستالعان اسكەرگە شاقىرۋ ناۋقانى كەزىندە قارۋلى كۇشتەردىڭ اسكەري بولىمدەرىنە 4 مىڭعا جۋىق جاس سارباز جىبەرىلگەن. جالپى، بيىل كۇزدە جوسپار بويىنشا 18 بەن 27 جاس ارالىعىنداعى 12 مىڭنان استام ەر ازامات اسكەرگە شاقىرىلعان. ولاردىڭ 4 مىڭعا جۋىعى قارۋلى كۇشتەر ساپىنا الىنسا، 2 مىڭعا جۋىعى ۇقك شەكارا قىزمەتىنە، 6 مىڭ 500-دەن استامى ءىىم ۇلتتىق ۇلانىنا، 300-گە جۋىعى مەملەكەتتىك كۇزەت قىزمەتىنە الىنعان. قازىرگى كەزدە جاس ساربازداردى ءتيىستى بولىمدەرىنە جونەلتۋ جالعاسىپ جاتىر.
