جامبىل وبلىسى قورداي اۋداندىق سوتىندا ءىسى قارالىپ جاتقان ە. تايشىبەكوۆ قازاقستان بيلىگىن كۇشپەن باسىپ الۋعا شاقىرعانىن  مويىندادى. بۇل تۋرالى «قامشى» پورتالى حابارلايدى.

سوت وتىرىسىندا ءتورت كۋاگەردەن جاۋاپ الىندى. ولار – استانا قالاسىنان كەلگەن مەيرام قاناپيانوۆ، المات شالگارين، تارازدىق وماربەك بەيسالييەۆ جانە الماتىلىق بوتاگوز يسايەۆا. ولاردىڭ بارلىعى ە. تايشىبەكوۆتىڭ سەپاراتيستىك پيعىلداعى جازبالارىن كورگەندەرىن راستادى. جاۋاپ الۋ كەزىندە ايىپتالۋشى ەرمەك تايشىبەكوۆ ءوزىنىڭ الەۋمەتتىك جەلىدە جاريالاعان سەپاراتيستىك مازمۇنداعى جازبالارىنا بايلانىستى تۇسىنىك بەردى. اتاپ ايتقاندا، ول «قازاقستاندا بيلىكتى بارلىق مۇمكىندىكتى پايدالانىپ، قاجەت بولسا كۇشپەن باسىپ الىپ، رەسەيگە بەرۋ كەرەك!»، «مەنىڭ اتام، اكەمنىڭ اكەسى 1937 جىلى كرەمل ساياساتىنا قارسى شىققان قازاق سەپاراتيستەرىن اتقان بولاتىن. مەن دە 2016 جىلى نەمەسە 2019 جىلى ماسكەۋگە قارسى قولىنا قارۋ العان قازاقتاردىڭ كوزىن جويۋعا قاتىسۋىم مۇمكىن» دەگەن پوستتار جازعانىن مويىندادى. ول بۇل جازبالاردى قازاقتاردىڭ رەسەي پرەزيدەنتى پۋتينگە باعىتتالعان نازارى مەن جەككورىنىشىن تەك وزىنە اۋدارۋ ماقساتىندا جاريالاعانىن ايتتى.

سونىمەن قاتار، سوت وتىرىسىندا ە. تايشىبەكوۆ «نۇر وتان» پارتياسىنىڭ مۇشەلىگى ارقىلى سەناتقا دەپۋتات بولۋدى جوسپارلاعانىن، ءبىراق پارتيالاستارى ونىڭ باستاماسىن قولداماعاندىقتان پارتيا قاتارىنان شىعىپ كەتكەنىن ايتتى.

سوتتاعى نەگىزگى كۋاگەر بوتاگوز زارقىن قىزى سوت بارىسىندا ە. تايشىبەكوۆكە قولداۋ بىلدىرگەندەردىڭ بولعانىن ايتادى. زاڭگەر اندرەي سۆيريدوۆ پەن الماتى وبلىسى ءۇشقوڭىر اۋىلىنداعى شىركەۋدىڭ پوپى قايرات بايگەرەيەۆ سوتقا كەلىپ، ايىپتالۋشى مەن ونىڭ باۋىرى مارلەن تايشىبەكوۆكە قولداۋ ءبىلدىرىپ، قۇقىقتىق كەڭەستەرىمەن بولىسكەن. ءتىپتى، ولار سوت بارىسىندا بوتاگوز زارقىنقىزىن شەتەلدىك ۇيىمداردىڭ قارجىلاندىرۋىمەن وسىنداي داۋعا ارالاسۋدا، تەگىننەن-تەگىن كەز-كەلگەن ادام سوتقا شاعىمدانىپ، مۇنداي باستاما كوتەرمەيدى دەپ ايىپتاۋعا دەيىن بارعان.

سونداي-اق، سوت بارىسىندا كۋاگەرلەر ە. تايشىبەكوۆتىڭ الەۋمەتتىك جەلى ارقىلى وزدەرىنىڭ وتباسى مۇشەلەرىنە قوقان-لوققى كورسەتكەنىن ايتىپ شاعىمداندى. كۋاگەر و. بەيسالييەۆ ە. تايشىبەكوۆ ۇلىن ولتىرەم دەپ قورقىتقانىن ايتىپ، سوتقا قوسىمشا ارىز ءتۇسىردى.

بوتاگوز يسايەۆا دا سوت وتىرىسىندا وزىنە قارسى ەرمەك تايشىبەكوۆتىڭ باۋىرى مارلەن تايشىبەكوۆتىڭ قوقان-لوققى كورسەتۋىنە بايلانىستى قورداي اۋداندىق ىىب-گە ارىزدانعانىن، ءبىرشاما ۋاقىت وتكەن سوڭ سول پوليسياعا وتكىزىلگەن ارىزدىڭ فوتوسۋرەتتەرىن م. تايشىبەكوۆ وزىنە جىبەرگەنىن جەتكىزدى. سۋديا قايرات بەلگىشيەۆ وسى ماسەلەگە بايلانىستى جەكە انىقتاما شىعارىپ، كۋاگەرگە پروكۋراتۋراعا شاعىمدانۋعا كەڭەس بەردى.

بوتاگوز زارقىن قىزى تايشىبەكوۆتىڭ قولداۋشىلارى تاراپىنان دا وزىنە قارسى اقپاراتتىق شابۋىلدىڭ كۇشەيگەنىن ايتىپ وتىر.

ە. تايشىبەكوۆكە قاتىستى كەلەسى سوت وتىرىسى ەرتەڭ، ياعني 11 قاراشادا وتەتىن بولدى.

دارحان مۇقان