سينگاپۋرلىق ماماندار اقش عالىمدارىمەن بىرلەسە وتىرىپ بولاشاق ۇرپاق ءۇشىن ەڭ زياندى تاعامدى انىقتاۋ ماقساتىندا ارنايى زەرتتەۋ جۇرگىزدى. بۇل تۋرالى «قامشى» پورتالى planet-today.ru-عا سىلتەمە جاساپ حابارلايدى.

زەرتتەۋ بارىسىندا بالالارعا جەدەل دايارلاناتىن تاعامدار، سونىڭ ىشىندە، قۋىرىلعان تاۋىق، كارتوفەل فري، چيزبۋرگەر، چيپسى جانە باسقا دا وسى تەكتەس تاعامدار وتە زياندى ەكەنى انىقتالدى.  وعان قوسا قۇرامىندا تاتتىلىگى جوعارى كامپيت، شوكولادتاردى دا مولشەرمەن بەرۋ كەرەك.

ستاتيستيكالىق مالىمەتتەرگە سۇيەنسەك، ارتىق سالماق بىتكەن جاسوسپىرىمدەر قاتارى جىل ساناپ ارتىپ كەلەدى. ماسەلەن، ادەتتەگى چيپسى مەن ۇيدە پىسىرىلگەن كارتوپ ءبىر نارسەدەن جاسالعانىمەن، ولاردىڭ قۇرامىنىڭ ايىرماشىلىعى جەر مەن كوكتەي. چيپسى قۇرامىندا كالوريا كوپ بولادى، الايدا ونىڭ ادام اعزاسىنا ەش پايداسى بولمايدى.

ماماندار اتا-انالارعا بالالارىنىڭ قالاي تاماقتانىپ جۇرگەنىن مۇقيات قاداعالاپ وتىرۋ كەرەكتىگىن ەسكەرتەدى. تەك وسىلايشا عانا فيزيكالىق جانە پسيحولوگيالىق تۇرعىدا ساۋ ۇرپاق تاربيەلەپ وسىرۋگە مۇمكىندىك تۋادى.