ۋكراينداعى وقيعالاردان قازاقتىڭ الار ساباعى از ەمەس. سونىڭ ءبىرى اقپاراتتىق ساياسات ماسەلەسى. نەلىكتەن ءبىزدىڭ اقپارات كەڭىسىتىگى جالعىز عانا مەملەكەت - رەسەيگە تۇيىقتالىپ قالعان؟ ناتيجەسىن كورىپ وتىرمىز – ازاماتتارىمىزدىڭ ۋكرايناداعى جاعدايدى بوتەن ەلدىڭ كوزقاراسىمەن قابىلداۋى بىلاي تۇرسىن، ءجيى قازاقستاننان گورى بۇيرەگى رەسەيگە بۇرىلىپ تۇرادى. سۇمدىق ەمەس پە؟ نە دەگەن تاۋسىلمايتىن قۇلدىق سانا-سەزىم؟ بۇنداي جاعداي الەمنىڭ بىردە-بىر مەملەكەتىندە جوق جانە ۇلتتىق قۇندىلىقتار مەن ارمان-مۇراتتارىنا، ەلدىڭ قاۋىپسىزدىگىنە زور نۇقسان كەلتىرەدى. ادەتتە، وسىندايدا لاۋازىمدى ورىندار “سىناي بەرگەنشە، ناقتى ۇسىنىس جاساڭدارشى” دەگەندى ءجيى العا تارتادى. ەندەشە ناقتى ۇسىنىس كابەلدى تەلەجۇيەلەردە وتاندىق ارنالاردى دامىتۋمەن، قازاق ءتىلىنىڭ اياسىن كەڭەيتۋمەن قاتار شەتەلدىك تەلەارنالاردىن ۇلەسىن شەكتەپ، ءبىر جۇيەگە كەلتىرۋ. ونىڭ ىشىندە ورىس تىلىندە رەترانسلياسيالاناتىن سالالى ارنارادى (Discovery، Animal، TV1000، Sport، History، ت.ب.) تولىقتاي قازاق تىلىنە اۋدارۋ. ەكىنشىدەن، وننان اسا رەسەيلىك ارنالاردان، ايتالىق، رتر-دى عانا قالدىرۋ. بوساعان ورىندارعا قىرعىز، وزبەك، تۇرىك، ءازىربايجان، شىنجان قازاقتارى، جۇڭگو، ۋكراينا، گرۋزيا سەكىلدى دوستاس مەملەكەتتەردىڭ ۇلتتىق ارنالارىن قويۋ. قازاق كورەرمەنى تەك رەسەيگە نە ورىس تىلىنە بايلانىپ قالماۋى، ال دەموكراتيالىق مەملەكەتتە ءار ازاماتتىڭ ءوز تاڭداۋى بولعانى ابزال – بۇل ونىڭ كونستيتۋسيالىق حاقى.

راسۋل جۇمالى، ساياساتتانۋشى

(فب پاراقشاسىنان)