بيىل بەلگىلى رۋنولوگ-عالىم، كوسەمسوزشى، قازۇۋ، جۋرناليستيكا فاكۋلتەتىنىڭ قۇرمەتتى ۇستازى امانقوس مەكتەپ-تەگىنىڭ 60 جاسقا تولىپ وتىر.
امانقوس مەكتەپ-تەگى قۇلتان ۇلى 1954 جىلى اقتوبە وبلىسى، بايعانين اۋدانىندا دۇنيەگە كەلگەن. فيلولوگيا عىلىمدارىنىڭ كانديداتى، دوسەنت، ق ر جۋرناليستەر وداعىنىڭ مۇشەسى. 1979 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىن بىتىرگەن. 1981-1996 جىلدار ق ر عا-نىڭ ا.ءبايتۇرسىن ۇلى اتىنداعى ءتىل ءبىلىمى ينستيتۋتىنىڭ كىشى عىلىمي كىزمەتكەرى. 1995-1996 جىلدارى رەسپۋبليكالىق «جالىن» جۋرنالى پروزا ءبولىمىنىڭ مەڭگەرۋشىسى. 1996 جىلدان بەرى ءال-فارابي اتىنداعى ءقازۇۋ-دىڭ جۋرناليستيكا فاكۋلتەتىندە وقىتۋشىلىق قىزمەتتە. امانقوس مەكتەپ-تەگى - ءاليحان بوكەيحان، احمەت ءبايتۇرسىن ۇلى، ءمىرجاقىپ دۋلات ۇلى، حالەل دوسمۇحامەد ۇلى، مۇحامەدجان تىنىشباي ۇلى، ەلدەس ومار ۇلى، تەلجان شونان ۇلى، سماحان بوكەيحان ت.ب. مۇراسىن باسپا ءسوز بەتىندە العاشقى ناسيحاتتاۋشىلاردىڭ ءبىرى. امانقوس مەكتەپ-تەگى الاش تاقىرىبىنا بايلانىستى زەرتتەۋ ماقالالارى مەرزىمدى باسپا ءسوز بەتتەرىندە جانە «بەس ارىس»، «ءتىل تاعلىمى»، «الامان»، «حالەل تاعلىمى»، «بەكەت-اتا»، «قازاقتىڭ تالىمدىك وي-پىكىر انتولوعياسى»، «انتولوگيا پەداگوگيچەسكوي مىسلي كازاحستانا»، «حالەل دوسمۇحامەد ۇلىنىڭ ءومىرى جانە ونىڭ شىعارماشىلىعى»، «ۇلتتىق رۋحتىڭ ۇلى ءتىنى»، «اعارتۋشى حالەل» ت.ب. مونوگرافيالار مەن عىلىمي-تانىمدىق جيناقتاردا جاريالانعان. 
عالىمنىڭ مەرەيتويىنا ارنالىق جازىلعان جۋرناليستيكا فاكۋلتەتى ۇجىمىنىڭ قۇتتىقتاۋ حاتىندا بىلاي دەلىنگەن: "جۋرناليستيكا فاكۋلتەتى ۇجىمىنىڭ اتىنان ءسىزدى 60 جاسقا كەلگەن مەرەيتويىڭىزبەن شىن جۇرەكتەن قۇتتىقتايمىز! ءسىزدىڭ سوناۋ جاس كەزىڭىزدەن قالامىڭىزدىڭ قارىمدى، پاراسات-پايىمىڭىزدىڭ جان-جاقتى، كەڭ، وي-تولعامدارىڭىز تەرەڭ، پىكىرلەرىڭىز تۇششىمدى ەكەنىنە بارشاعا ايعاق. الماتى قالالىق “قازاق ءتىلى” قوعامىنىڭ باسقارما مۇشەسى، “تۇركى الەمى”، “ۇلى دالا تىنىسى” اپتالىق گازەتتەرىنىڭ جانە “قىزىقتى پسيحولوگيا” رەسپۋبليكالىق عىلىمي-ادىستەمەلىك، تانىمدىق-پسيحولوگيالىق جۋرنالدىڭ القا مۇشەسى، قازاقستان ۇلتتىق باسپا ءسوز كلۋبىنىڭ مۇشەسىسىز. سول ءبىر 1996 جىلدان بەرى قازۇۋ-دا شاكىرت تاربيەلەپ، ادەبيەت پەن عىلىمعا بەلسەنە ارالاسىپ، ەل ءۇشىن ەرەن ەڭبەك ەتىپ كەلەسىز. ءال-فارابي اتىنداعى ءقازۇۋ-دىڭ 2008–2009 وقۋ جىلىنىڭ “ۇزدىك وقىتۋشىسى” اتاندىڭىز. ءسىز، 1999 جىلى كانديداتتىق ديسسەرتاسيا قورعاپ، وسى سالادا عىلىمي ىزدەنىستەرىڭىزدى ءبىر ساتكە دە ۇمىت قالدىرماي، ارى قاراي دامىتىپ كەلەسىز. ەڭبەكتەرىڭىزدى وقىرمان نازارىنا ۇسىنىپ قانا قويماي، ونىڭ قىر-سىرىن كوپشىلىككە ءتۇسىندىرۋ مىندەتىن دە ءوز موينىڭىزعا الدىڭىز. ءسىزدى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنە ءدارىس بەرۋگە يتەرمەلەگەن وسى يگى مۇراتتار ەكەندىگى داۋسىز. 2001 جىل تۇركيانىڭ استاناسى انكارا قالاسىندا وتكەن ىسماعۇلبەك گاسپرالiنiڭ تۋعانىنا 150 جىل تولۋ مەرەيتويىنا ارنالعان سيمپوزيۋم مەن اۆستريانىڭ ۆەنا ۋنيۆەرسيتەتىندە عىلىمي كونفەرەنسياعا قاتىسىپ، بايانداما جاساۋىڭىز رەسپۋبليكانىڭ مادەني ءومiرiندەگi ەلەۋلi وقيعا بولدى.2010–2011 جىل ارالىعىندا ق ر پرەزيدەنتىنىڭ “بولاشاق” باعدارلاماسى بويىنشا پولشانىڭ پوزنان قالاسىنداعى ادام ميسكيەۆيچ اتىنداعى ۋنيۆەرسيتەتتە عىلىمي تاعلىمدامادان ءوتىپ، پوزنان، سلۋبيسا، تورۋن، ۆارشاۆا قالالارىندا وتكەن عىلىمي-تەوريالىق كونفەرەنسيالارعا قاتىسىپ، باياندامالار جاسادىڭىز. ستۋدەنتتەرگە ارناپ بىرنەشە وقۋ قۇرال، مونوگرافيا جازدىڭىز. ءسىز عىلىم سالاسىندا ءدال وسىلاي ىجداھاتتىلىق تانىتۋ ارقىلى ءوزىڭىز تاربيەلەگەن شاكىرتتەرىڭىز بەن بارشا وقىرماندارىڭىزدى ۇلتتىق رۋحاني قۇندىلىقتاردى باعالاۋعا ۇيرەتىپ، جاس ۇرپاقتىڭ ءبىلىم كوكجيەگىن كەڭەيتىپ، قازاق جۋرناليستيكاسىندا وزىندىك قولتاڭباڭىزدى قالدىرا ءبىلدىڭىز!
قۇرمەتتى امانقوس قۇلتان ۇلى! ەل مۇددەسى، ۇرپاق مۇراتى ءۇشىن اتقارعان ابىرويلى ەڭبەگىڭىزگە ساتتىلىك، وزىڭىزگە زور دەنساۋلىق، شارشاماس شابىت، تاۋسىلماس تالانت، وتباسىڭىزعا اماندىق، ۇزاق عۇمىر تىلەيمىز! قازاق ەلىنىڭ دامۋى مەن گۇلدەنۋى جولىندا ءالى دە جاساي بەرەتىن ەڭبەكتەرىڭىز باياندى بولسىن!" دەلىنگەن قۇتتىقتاۋ حاتتا!
"قامشى" ۇجىمى قازاق تۇركولوگيا عىلىمىنا تاۋداي ۇلەس قوسىپ، كونە رۋنا جازۋىن بۇگىنگى كۇنى زەرتتەپ، جاس ۇرپاققا ۇيرەتىپ جۇرگەنى ءۇشىن امانقوس مەكتەپتەگىگە ۇلكەن العىس بىلدىرە وتىرىپ، مەرەيتويىمەن شىن جۇرەكتەن قۇتتىقتايمىز!
