رەسەي استاناسى ماسكەۋ قالاسىنداعى مەكتەپتەردىڭ بىرىندە وقيتىن ءبىر توپ وقۋشى جاقىندا عانا جاماعاتقا ەسىگىن ايقارا اشقان ورتالىق مەشىتكە كەلىپ، ساياحات جاساپ قايتتى. عالامتور جەلىسىنە جۇكتەلگەن ۆيدەودا ولاردىڭ سىنىپتاستارىنا ەلىكتەپ، ناماز وقىعانى كورسەتىلگەن. بۇل تۋرالى «قامشى» پورتالى muslim.kz-كە سىلتەمە جاساپ حابارلايدى.
الەۋمەتتىك جەلى قولدانۋشىلارى اراسىندا ۆيدەو تەز ارادا تانىمالدىققا يە بولىپ ۇلگەرگەن.
فەيسبۋك جەلىسىنىڭ قولدانۋشى ءانۋار وماروۆ ەسىمدى ازامات ۆيدەوداعى ناماز وقىپ تۇرعان وقۋشىنىڭ ۇلى ءداۋىت ەكەنىن جازعان. بەسىن نامازىنا تاپ كەلگەن ءداۋىت مەشىتتە ناماز وقۋعا نيەت ەتەدى. ال، سىنىپتاستارى بولسا، ونىڭ سوڭىنان ساپ تۇزەپ، كورگەندەرىن قايتالاي باستايدى. وقۋشىلاردى ۆيدەوعا سىنىپ جەتەكشىلەرى ءتۇسىرىپ العان.
