ءبىز وتىرمىز، ءۇشىنشى كۇن اتتان تۇسپەي. ءتىرى بولعانىمىز بولماسا، سۇلدەرىمىز عانا بار سياقتى. تاڭعى تاماقتى ۇشاقتا ىشكەنىم ەسىمدە، ودان بەرى اس اتاۋلىنى ۇمىتتىق. تەلەفونعا دا، پوچتاعا دا، كومپيۋتەرگە دە تىنىم جوق. كۇيگەن "كولودكانىڭ" ءيسى سياقتى كومپيۋتەر جارىقتىقتان دا ءيىس شىقتى.  ءبىر توپ سالىمشى ءجۇر، كەشەلى بەرى بانك بولىمشەسىنىڭ الدىن توراۋىلداپ. سالىمىم كۇيىپ كەتە ما دەپ ۋايىمدايدى. كەزەكتىڭ كوپتىگىنەن جۇيكەسى جۇقارىپ، قالش-قالش ەتەدى.  مەنەدجەرلەر وتىر. ۋ-شۋدان قۇلاعى تۇنىپ كەتكەن. اقپاراتتاردىڭ شەكتەن تىس وڭدەلىپ جاتۋىنان كومپيۋتەرلەر دە توقىراپ ەتىپ، ارەڭ ىستەيدى. ايعاي، بوقتىقتان قورقىپ، تاعى وتىر. ءبىر قىز  حابارلاسادى. اۋىلىنان جىبەرگەن اقشاسىن الا- الماي وتىر ەكەن. بولىمشەلەردە كەزەك. ۋ-شۋ. ال، اقشا كەرەك. زيان شەگىپ وتىرعان كىم؟ ءبارىمىز. سوندا مۇنىڭ ءبارى كىمگە پايدالى؟ اناۋ جاقتا اقپاراتتىق سوعىس ۇيىمداستىرىپ قويىپ، قازاقستانداعى قارجىلىق احۋالدى تۇراقسىزداندىرعىسى كەلگەندەرگە عانا. بۇل بانككە كەلگەن عانا جاۋ دەپ ويلاساڭىز قاتەلەسەسىز. بۇل قازاققا كەلگەن جاۋ. ءدال ءقازىر اشىق ەشتەمە ايتا المايمىن. ۋاقىتى كەلەدى. ايتامىز. ءبىراق ول كەزدە كەشتەۋ بولا ما دەپ قورقامىن. بانكىن قورعاپ ءولىپ وتىر دەگەندەرگە، دەگەندەرگە ۋاقىت كەلەدى، سول كەزدە ءبارى انىق بولادى. سابىر ساقتايىق.