قۇرمەتتى كاسپي بانكتىڭ كليەنتتەرى مەن سەرىكتەستەرى! سوڭعى كەزدەرى قازاقستاندىق بانكتەرگە قاتىستى شيەلەنىسكە جايتتار كوبەيىپ كەتتى. SMS-حابارلامالار ارقىلى تارالىپ جۇرگەن مۇنداي قاۋەسەت اڭگىمەلەر حالىقتىڭ، اسىرەسە، دەپوزيت ۇستاۋشىلاردىڭ دۇرلىگۋىنە اكەلىپ سوقتىرادى، سالدارىنان كوممەرسيالىق بانكتەردىڭ قالىپتى جۇمىسى قيىنداي تۇسەدى. اتالعان جاعدايدىڭ ەلىمىزدە ورىن العان، حالىقتىڭ سەنىمىنە نۇقسان كەلتىرگەن ديەۆالۆاسيامەن تۇسپا-تۇس كەلۋى دە تەگىن ەمەس. الايدا ديەۆالۆاسيا مەن كوممەرسيالىق بانكتەردىڭ جۇمىسىن بولەك-بولەك قاراپ، تۋىنداعان جاعدايعا تەرەڭىنەن ءۇڭىلۋ كەرەك. اتالعان جاعداي ارانداتۋشىلىق sms-حابارلامالاردىڭ سالدارىنان ۋشىعىپ وتىر، ولاردى جىبەرۋشىلەر دە بەلگىسىز ءارى ولارعا سەنۋگە دە نەگىز جوق. سوعان بايلانىستى Kaspi Bankء-تىڭ مەنەدجمەنتى مەن اكسيونەرلەرىنىڭ اتىنان ميحايل لومتادزە مەن ۆياچەسلاۆ كيم ەلىمىزدە بولىپ جاتقان جاعدايعا قاتىستى ءوز پوزيسياسىن ۇسىنىپ وتىر. 1. قازاقستاننىڭ بانكتىك نارىعىنداعى بۇل تۇراقسىزدىق ءبىرىنشى رەت ورىن الىپ وتىرعان جوق. وسى ۋاقىتقا دەيىنگى قىزمەت بارىسىندا باي تاجىريبە جيناعانىمىزدى، Kaspi Bankء-تىڭ ءوز مىندەتتەمەلەرىن ۇنەمى ورىنداعانىن ءارى كليەنتتەرىنىڭ مۇددەسىن قاشان دا تولىق قورعاپ وتىرعانىن ماقتان ەتەمىز. 2. Kaspi Bank كليەنتتەرىنىڭ قاجەتتىلىكتەرىن تولىق كولەمدە ورىنداپ كەلدى، ورىنداپ جاتىر ءارى كەلەشەكتە دە ورىنداي بەرمەك. اتاپ ايتقاندا بۇگىنگى كۇنى ەلىمىز بويىنشا ءبىزدىڭ بانكتىڭ بولىمشەلەرىنە ادەتتەگىدەن قاراعاندا، 5 ەسە كوپ قولما-قول اقشا جەتكىزىلدى جانە كليەنتتەرىمىزگە قانشا كەرەك بولسا، سونشا جەتكىزىلەدى. 3. Kaspi bank – بارلىق بانكتەردەن گورى ۇزاق ءارى كوپ جۇمىس ىستەيتىن قازاقستانداعى جالعىز بانك. كليەنتتەرىمىزگە ىڭعايلى بولۋ ءۇشىن اپتاسىنا 7 كۇن ساعات 20.00-گە دەيىن، سەنبى جانە جەكسەنبى كۇندەرى دە جۇمىس ىستەيدى. 4. ەگەر كليەنتتەرىمىزدىڭ ءبىرى بانكپەن ورناتقان قاتىناسىن مەرزىمىنەن بۇرىن توقتاتقىسى كەلسە، ءبىز ولاردىڭ تالابىن بەلگىلەنگەن تارتىپپەن بارىنشا قىسقا مەرزىمدە قاناعاتتاندىرىپ بەرەمىز. 5. Kaspi Bankء-تىڭ اكسيونەرلەرى ايتارلىقتاي رەسۋرستار مەن اكتيۆتەرگە يە جانە قاجەت بولعان جاعدايدا بۇل رەسۋرستاردى كليەنتتەردىڭ قاجەتتىلىكتەرىن ورىنداۋ ءۇشىن تولىق كولەمدە بەرۋگە دايىن ەكەنىن رەسمي حابارلايدى. 6. بارلىعى 3.7 ميلليارد اقش دوللارىنان استام كاپيتالى بار Baring Vostok Capital Partners ينۆەستيسيالىق قورى kaspi bankء-تىڭ ينۆەستورى بولىپ تابىلادى. 7. kaspi bankء-تىڭ اتىنا ايتىلعان، ونىڭ ىسكەرلىك بەدەلىنە كىر كەلتىرەتىن كەز كەلگەن مالىمدەمەلەر جالعان، ارانداتۋشىلىق اقپارات بولىپ تابىلادى ءارى جوسىقسىز باسەكەلەستىكتىڭ عانا كورىنىسى. 8. ءبىز جاقىن ۋاقىتتا نارىقتاعى ۋشىققان جاعداي باسىلادى دەپ ويلايمىز جانە ءبىزدىڭ ءوزىمىزدىڭ ادال كليەنتتەرىمىزبەن بىرگە دامۋدىڭ جاڭا بەلەسىنە ابىرويمەن كوتەرىلەتىنىمىزگە نىق سەنىمدىمىز. 9. ءبىز، ميحايل لومتادزە، ۆياچەسلاۆ كيم، kaspi bankء-تىڭ مەنەدجمەنتى مەن اكسيونەرلەرى رەتىندە، بارلىق كليەنتتەرىمىزگە kaspi bankء-تىڭ بىردە-بىر كليەنتىنىڭ سەنىمىنە نۇقسان كەلتىرمەيتىنىن جانە ءوزىنىڭ مىندەتتەمەلەرىن تولىقتاي ورىندايتىنىن راستايمىز. بانكتىڭ تابىستى جۇمىسىنىڭ كوپجىلدىق تاريحى، قازاقستانداعى جەتەكشى ءارى ەڭ ءىرى جەكەلەپ ساتاتىن بانك رەتىندە ونىڭ جەتىستىكتەرى، جانە ءبىز – ءوزىنىڭ كليەنتتەرىمەن ءاردايىم اشىق سويلەسەتىن ادامدار – وسىنىڭ ءبارى مۇددەلەرىڭىزدىڭ تولىقتاي ساقتالىپ، قورعالاتىنىنا كەپىلدىك بولىپ تابىلادى.