رەسەيدىڭ قارجىلاندىرۋى قىسقارتىلعاننان كەيىن قازاقستاننىڭ جۇزدەگەن ازاماتى بايقوڭىردا جۇمىستارىنان ايىرىلدى.  بۇل تۋرالى "قامشى" پورتالى  قازاقستان جاڭالىقتارى قىزىمەتىنە  سىلتەمە جاساي وتىرىپ حابارلايدى.

“بايقوڭىر قالاسى اكىمشىلىگى باسشىسىنىڭ قاۋلىسىمەن قارجىلاندىرۋدىڭ قىسقارتىلۋىنا بايلانىستى “روسكوسموس” ۇيىمىنان جانە قالانىڭ بيۋدجەتتىك ۇيىمدارىنان اعىمداعى جىلى 600 استام ادام جۇمىستان بوساتىلدى، كەلەسى جىلى شامامەن 1500 ادامدى قىسقارتۋ جوسپارلانۋدا. نەگىزىنەن (3/4 جۋىق) بۇل قازاقستان ازاماتتارى”، — دەپ حابارلانعان  اكىمدىكتىڭ باسپا ءسوز قىزىمەتىندە.

ءوڭىر بيلىگىنىڭ مالىمەتىنشە، جۇمىسسىز قالعان بايقوڭىر تۇرعىندارىن جۇمىسقا ورنالاستىرۋ ماسەلەسىن سەلەكتورلىق وتىرىستا قىزىلوردا وبلىسى اكىمى قىرىمبەك كوشەربايەۆ كوتەردى، سونداي-اق اتالمىش ماسەلە قازاقستان ۇكىمەتىندە سەلەكتورلىق وتىرىس بارىسىندا تالقىلاندى.

جالپى، عارىش ايلاعىن جالعا الۋ ۋاقىتىندا رەسەيلىك تاراپ قالانى دامىتۋعا قاراجات بولمەگەن. بۇدان باسقا، 2008 جىلى سالىنعان پەرزەنتحانا ءالى كۇنگە دەيىن ءتۇرلى سىلتاۋلارمەن رەسەيلىك تاراپتىڭ  قابىلدانۋىندا بولماعان. سوعان بايلانىستى ءوڭىر باسشىسى بايقوڭىر قالاسى نىساندارىن جالداۋدان شىعارۋدى ۇسىنعان.