ماڭعىستاۋ وبلىسى مۇنايلى اۋدانىندا دارەتحانا قاعازىن شىعاراتىن جاڭا سەح ىسكە قوسىلدى، - دەپ حابارلايدى «قامشى» پورتالى.
جاڭا سەح «اقتاۋ قاعاز زاۋىتى» ج ش س جانىنان اشىلىپ وتىر.
«ءبىز 2007 جىلدان بەرى مەديسينالىق قالدىقتاردى جويۋمەن اينالىسىپ كەلەمىز. كوپتەگەن كاسىپورىندار مەن مەكەمەلەردەن ماكۋلاتۋرالاردى جويۋ تۋرالى ۇسىنىستار كەلىپ ءتۇستى. ۇلكەن كولەمدەگى قاعازداردىڭ تەكتەن تەككە جويىلاتىنىن ويلاعان مەن ولاردى قايتا وڭدەۋ تۋرالى ويعا كەلدىم. ءسويتىپ، ارنايى قۇرىلعى ساتىپ الدىم. دارەتحانا قاعازىن شىعارۋعا مەملەكەتتىك ورگانداردان جانە مۇناي كومپانيالارىنان قۇندىلىعى جويىلعان قۇجاتتاردى تەگىن الىپ پايدالانامىز»دەيدى كاسىپورىن باسشىسى سۇڭعات ەدىلبايەۆ.
قازىرگى تاڭدا زاۋىت تاۋلىگىنە 8 ساعات جۇمىس ىستەپ تۇر. جاقىن كۇندەرى كاسىپكەر ءوندىرىس كولەمىن ۇلعايتىپ، جۇمىسكەرلەردىڭ سانىن ۇلعايتۋدى جانە سەح جۇمىسىن تاۋلىك بويى جۇرگىزۋدى جوسپارلاپ وتىر.
