ورال قالالىق مەشىتىنىڭ نايب-يمامى ناۋرىز ۇبايەۆ پەن ونىڭ زايىبى ءاليانىڭ وتباسىندا ۇشەم ءومىر ەسىگىن اشتى، - دەپ حابارلايدى «قامشى» پورتالى قازاقپاراتقا سىلتەمە جاساپ.

وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى فليۋرا ساماتوۆانىڭ ايتۋىنشا، وبلىستىق پەريناتالدىق ورتالىقتا 27 قاراشاعا قاراعان ءتۇنى اراعا بىر-ەكى مينۋت سالىپ، ءۇش قىز بالا دۇنيەگە كەلگەن. ولاردىڭ ۇلكەنىنىڭ سالماعى - 2 كگ 330 گرامم، بويى - 44 سم، ورتانشىسىنىكى - 2 كگ 290 گرامم، بويى - 43 سم، كىشىسىنىكى - 2 كگ 600 گرامم، بويى - 46 سم.

قازىرگى كەزدە پەريناتالدىق ورتالىقتا جاتقان اناسى مەن سابيلەردىڭ جاعدايى قالىپتى. ءسويتىپ وتباسىنداعى بالانىڭ ۇلكەنى ءاليجاننىڭ سوڭىنان بىردەن ءۇش بىردەي قارىنداسى ىلەستى.

ايتا كەتەيىك، ءدال سول كۇنى ۇشەممەن ءبىر ۋاقىتتا 22 نارەستە ءومىر ەسىگىن اشسا، سونىڭ 15ء-ى - قىز، جەتەۋى - ۇل بالا كورىنەدى.