قازاقستاندىق تاعى ءبىر اۋىراتلەت الەكساندر زايچيكوۆ جۇما كۇنى حيۋستونداعى الەم چەمپيوناتىندا 105 كەلىگە دەيىنگى سالماقتا التىن مەدال جەڭىپ الىپ، سەنساسيا جاسادى، - دەپ حابارلايدى «قامشى» پورتالى Vesti.kz-كە سىلتەمە جاساپ.

جۇلقا كوتەرۋگە سپورتشىمىز 191 كەلىنى ەڭسەردى، ال سەرپە كوتەرۋدە - 230 كەلى. ەكى جاتتىعۋدىڭ قورىتىندىسىندا زايچيكوۆ 421 كەلى سالماقتى جيناپ، ءبىرىنشى ورىنعا شىقتى. 

ايتا كەتەيىك، ەكى دۇركىن وليمپيادا چەمپيونى يليا يلين وسى سالماقتا ونەر كورسەتەدى، ال ءدال وسى سالماق دارىجەسىندە ونىڭ جارىسقا قاتىسپاي، ورنىنا بارعان زايچيكوۆتىڭ جەڭىسى سپورت شولۋشىلارى ءۇشىن كۇتپەگەن جاعدايى بولدى. تىكەلەي ەفيردە كوممەنتاتورلار زايچيكوۆتىڭ جەڭىسىن "سەنساسيا" دەپ اتادى.  

الەكساندر زايچيكوۆ 1992 جىلى 17 تامىزدا بەلارۋستە دۇنيەگە كەلگەن. قىزىلوردادا سپورتپەن شۇعىلدانا باستايدى. ارمان ابدرەيەۆتىڭ، ۆيلوريا پاكتىڭ جانە نۇرجان سماحانوۆتىڭ جەتەكشىلىگىندە جاتتىعادى. زايچيكوۆ - جاستار اراسىندا 2008 جىلى وتكەن ازيا چەمپيوناتىنىڭ قولدا جۇلدەگەرى، جاستار اراسىندا 2009 جىلى وتكەن الەم چەمپيوناتىنىڭ كۇمىس جۇلدەگەرى، ازيانىڭ 2013 جىلعى چەمپيونى. 2012 جىلى لوندونداعى وليمپياداعا قاتىسىپ، 12-ورىن الدى.  

قازىرگى ۋاقىتتا ول قىزىلورداداعى قورقىت اتا اتىنداعى مەملەكەتتىك ۋنيۆەرسيتەتىندە "سپورت جانە دەنساۋلىق ساقتاۋ" ماماندىعى بويىنشا ءبىلىم الىپ جاتىر. 

ال وسى كۇنى جارىسقا قاتىسقان، وليمپيادا چەمپيونى سۆەتلانا پودوبەدوۆا مەدالعا ىلىگە المادى. قازاقستاندىق اۋىراتلەت ءتورتىنشى ورىندى مىسە تۇتتى.  

ەكى جاتتىعۋدىڭ قورىتىندىسى بويىنشا 29 جاستاعى پودوبەدوۆا 276 ۇپاي جينادى. ءدال وسىنداي سالماقتى رەسەيلىك 21 جاستاعى ولگا زۋبوۆا دا كوتەرىپ، دەنە سالماعى بويىنشا پودوبەدوۆادان جەڭىلىرەك بولىپ شىققاندىقتان قولا جۇلدەگە ىلىكتى. 

ال 1-ورىندى قىتايلىق كان يۋە جەڭىپ اددى. ول ەكى جاتتىعۋدا 282 ۇپاي جينادى. كۇمىس مەدال ەكى جاتتىعۋدا 280 كەلى كوتەرگەن  قحدر ەلىنىڭ سپورتشىسى ليم دجون سيمگە بۇيىردى.  

ەسكە سالايىق، وسىعان دەيىن تاعى ءبىر قازاقستاندىق نيجات راحيموۆ 77 كەلىگە دەيىنگى كاتەگوريادا سەنساسيا جاساعان ەدى، ول التىن مەدال الدى، ال الماس وتەشوۆ كۇمىس جۇلدەگەر اتاندى، جاسۇلان قىدىربايەۆ بولسا وسى سالماقتا قولا جۇلدەنى مىسە تۇتتى.  

ال ايەلدەر اراسىندا ازىرشە جالعىز مەدالدى جازيرا جاپپارقۇل الدى. ول 69 كەلىگە دەيىنگى سالماقتا كۇمىس جۇلدەگەر اتاندى.