تەلەفونمەن اڭگىمەلەسۋگە تۇركيا تاراپى باستاماشىلىق ەتتى، - دەپ حابارلايدى «قامشى» پورتالى اقوردا باسپا ءسوز قىزمەتىنە سىلتەمە جاساپ.

مەملەكەتتەر باسشىلارى ەكىجاقتى قارىم-قاتىناس احۋالى مەن نەگىزگى باسىمدىقتاردى، سونداي-اق ءبىرقاتار وڭىرلىك جانە حالىقارالىق وزەكتى ماسەلەلەردى تالقىلادى.

تاراپتار سيرياداعى داعدارىستىق جاعداي مەن رەسەيلىك سۋ-24م ۇشاعىنا قاتىستى وقيعا جونىندە پىكىر الماستى.

قازاقستان پرەزيدەنتى بولعان وقيعاعا بايلانىستى وكىنىش ءبىلدىرىپ، رەسەي-تۇركيا قارىم-قاتىناسى ناشارلاۋىنا الاڭداۋشىلىعىن جەتكىزدى. مەملەكەت باسشىسى بۇل بايلانىستار ۇزاق جىلدار بويى قالىپتاسقاندىقتان، ونى ساقتاپ قالۋ ءۇشىن تاراپتار جاۋاپكەرشىلىك تانىتۋى قاجەتتىگىن اتاپ ءوتتى. وسىعان بايلانىستى وقيعانىڭ ءمان-جايىن انىقتاپ، قالىپتاسقان جاعدايدان شىعۋ جولدارىن ىزدەستىرۋ ءۇشىن ەكىجاقتى كوميسسيا قۇرۋ ۇسىنىلدى.

ر.ەردوعان ءوز كەزەگىندە رەسەي پرەزيدەنتى ۆ.پۋتينمەن تاياۋ ارادا كەزدەسۋگە دايىن ەكەنىن ايتتى.

نۇرسۇلتان نازاربايەۆ جاعدايدى ۋشىقتىرماۋ ءۇشىن تاراپتار مۇمكىندىگىنشە بارلىق شارانى قولدانادى دەپ ۇمىتتەنەتىنىن ءبىلدىردى.