رەسەي فەدەراسياسىنىڭ مادەنيەت ءمينيسترى فەدەراسيا سۋبەكتىلەرىنە تۇرىكوي ۇيىمىمەن بايلانىستى ءۇزۋ تۋرالى ۇكىمەتتىك جەدەلحات جىبەرگەن، - دەپ حابارلايدى «قامشى» پورتالى.

رەسەيدىڭ مادەنيەت ءمينسيترى ۆلاديمير مەدينسكيي التاي، باشقۇرتستان، ساحا، تاتارستان، تىۆا، حاكاسيا رەسپۋبليكالارىنىڭ باسشىلارىنا وسىنداي تالاپ ويىپ وتىر.

«رەسەي مادەنيەت مينيسترلىگىنىڭ حالىقارالىق تۇرىكسوي ۇيىمىنا قاتىستى ۇستانىمىن نازارلارىڭىزعا ۇسىنامىن» دەپ باستالاتىن جەدەلحاتتا اۆتونوميالى رەسپۋبليكالار باسشىلارىنا اتالعان ۇيىممەن بايلانىستى دەرەۋ ءۇزىپ، قانداي دا ءبىر قارىم-قاتىناس جاساۋعا قاتاڭ تىيىم سالۋ تۋرالى ايتىلعان دەيدى «يزۆەستيا» گازەتى.

قۇرامىنا 14 تۇركى تىلدەس ەلدەر ەنەتىن تۇرىكسوي ۇيىمى تاتارستان باستاعان رەسەي قۇرامىنداعى تۇركى تىلدەس ەلدەرمەن تىعىز بايلانىس ورناتقان. وسى ۇيىم شەشەمىمەن قازان قالاسى 2014 جىلى «تۇركى الەمىنىڭ استاناسى» دەپ جاريالانعان ەدى.

بۇعان دەيىن ەل پرەمەر-مينيسترى د. مەدۆەديەۆ تۇركياعا قارسى سانكسيالاردى ازىرلەۋ تۋرالى تاپسىرما بەرگەن بولاتىن.