ەلباسىنىڭ جولداۋىندا كوپتەگەن ماسەلەلەر ءسوز بولدى، كوپ نارسە ايتىلدى. ءبىراق، مەن كوبىن تۇسىنبەدىم. ويتكەنى، ول كىسى كوبىنە-كوپ «كوپشىلىككە تۇسىنىكتى تىلدە» سويلەدى...
قۇداي بەرە سالعان قازاق ءتىلى كاسىپكەرلەردەن كومەك سۇراۋعا جاراپ بەردى. ورىسشا سويلەپ وتىرعان جەرلەرىن وتكىزىپ جىبەرىپ، قازاقشا ايتقان جەرلەرىن كورمەك بولىپ، «مىشكانى» ارى-بەرى قوزعاسام «سترەلكا» جىلجىمايدى. سويتسەم، تىكەلەي ەفيردى ونلاين رەجيمىندە كورىپ وتىر ەكەم عوي. «يۋتۋب» كورىپ وتىرعانداي بولىپپىن عوي، قۇرسىن.
ءبىرىنشى قاتاردا وتىرعان كىسىلەر ۇزدىكسىز جازىپ وتىردى. ءتارتىپتى وقۋشىلار سياقتى. شىركىن، ساباق بىتكەننەن كەيىن، ساباق دەپپىن عوي، جولداۋ بىتكەننەن كەيىن داپتەرلەرىن جيناپ الىپ تەكسەرسە عوي ءيا. نە جازدى ەكەن ەي؟ نە جازا قويدى دەيسىڭ. اۋەلى «ەلكانىڭ» سۋرەتىن سالىپ وتىرماسىن. نە بوپتى ءبىراق ءيا. ويتپەيتىن شىعار. تولىق ءماتىنى ەرتەڭ «ەگەمەنگە» شىعادى عوي. سايتتارعا دا جاريالانادى. تەگى مىقتى بولسا سوندا قاراپ السا دا بولادى عوي. بارىنىكى كوز بوياۋشىلىق، ايتەۋىر.
ءجا، جولداۋدىڭ ءبىز تۇسىنگەن جەرلەرىنىڭ ءبارى رۋحقا تولى. سوعان ىرزا بولدىم. «تاۋەكەسىزدىك ماڭگىلىك بولسىن، ماڭگىلىك ەل بولايىق» دەدى. بولساق بولايىق. بۇگىنگى جولداۋدا مەن قولدايتىن ەكى جول وسى ەكەن.
بەيبىت سارىبايدىڭ «فەيسبۋك» پاراقشاسىنان
