2015 جىلعى 3-4 جەلتوقساندا استانادا تۇركى پارلامەنتتىك اسسامبلەياسىنىڭ التىنشى پلەنارلىق وتىرىسى وتەدى. بۇل تۋرالى «قامشى» پورتالى قازاقپاراتقا سىلتەمە جاساپ حابارلايدى.

قازاقستان پرەزيدەنتى نۇرسۇلتان نازاربايەۆتىڭ باستاماسىمەن قۇرىلعان تۇركىتىلدەس ەلدەردىڭ پارلامەنتتىك بىرلەستىگىنە ازەربايجان، قازاقستان، قىرعىزستان جانە تۇركيا ەلدەرى كىرەدى. 2014-جىلدىڭ ماۋسىم ايىندا باكۋدە تۇركىپا-نىڭ بەسىنشى پلەنارلىق وتىرىسى بارىسىندا ماجارستان ۇلتتىق جينالىسى بايقاۋشى مارتەبەسىنە يە بولدى.

پارلامەنت وكىلدەرى قاتىساتىن شارا باعدارلاماسىندا - «ۇلى دالانىڭ پارلامەنتاريزمى جانە مەملەكەتتىلىگى» حالىقارالىق كونفەرەنسياسى، تۇركپا كەڭەسىنىڭ وتىرىسى، VI پلەنارلىق سەسسياسىن ۇيىمداستىرۋ قامتىلعان.  

سونىمەن قاتار، دەلەگاسيا مۇشەلەرى «استانا وپەرا» تەاترىندا «اباي» وپەراسىن تاماشالايدى، حالىقارالىق تۇركى اكادەمياسىندا «ماڭگىتاس» عىلىمي شاراسىنا قاتىسادى،  قازاقستان رەسپۋبليكاسى ۇلتتىق مۇراجايىندا تۇركىتىلدەس ەلدەردىڭ مادەنيەتى مەن تاريحىنان سىر شەرتەتىن كورمەنى ارالايدى.     

پارلامەنتتىك دەلەگاسيا جەتەكشىلەرىنىڭ «استانا ەكسپو-2017» ۇلتتىق كومپانياسى باسشىلارىمەن كەزدەسۋى مەجەلەنىپ وتىر.

  سەسسيا تۇركىپا ءتوراعالىعىن ازەربايجاننان قازاقستانعا وتكىزۋ سالتاناتىمەن باستالادى.  

    تۇركىپا قىزمەتىنە جانە بيۋدجەتتىڭ ورىندالۋىنا بايلانىستى 2014 جىلدىڭ ەسەپتەرى تىڭدالىپ، 2016 جىلعا ارنالعان بيۋدجەت جوباسى مەن كەلەسى پلەنارلىق وتىرىستىڭ وتەتىن ۋاقىتى مەن ورنى تالقىلانادى.      

       VI پلەنارلىق وتىرىستا ءماجىلىس ءتوراعاسى قابيبوللا جاقىپوۆ، قىرعىزستان جوگوركۋ كەنەشىنىڭ سپيكەرى  اسىلبەك جەەنبەكوۆ، سونداي-اق، ازەربايجان ميللي مەدجليسى مەن تۇركيا ۇلى ۇلتتىق جينالىسى دەلەگاسيالارىنىڭ باسشىلارى ءسوز سويلەيدى دەپ كۇتىلۋدە.

       شاراعا قاتىسۋشىلار بارلىق سالاعا قاتىستى كوميسسيا ۇسىنىستارىن قارايدى.

سونىمەن قاتار، تۇركىپا بايقاۋشىلار ميسسياسىنىڭ قازاقستاندا جانە تۇركيادا وتكەن پرەزيدەنتتىك سايلاۋعا، ازەربايجان، قىرعىزستان، تۇركيادا وتكەن پارلامەنتتىك سايلاۋلارعا قاتىستى ەسەبى تىڭدالماق.

پلەنارلىق وتىرىس قورىتىندىسى بويىنشا تۇركىپا استانالىق دەكلاراسياسى قورىتىندى قۇجاتىن قابىلداۋ مەجەلەنگەن.  

 «قامشى» سىلتەيدى