قىزىلوردالىق پوليسەيلەر وقۋشى قىزداردى الداپ، قۇلاقتارىنداعى سىرعالارىن ۇرلاۋدى كاسىپ ەتكەن الاياقتى ۇستادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

اعىمداعى جىلدىڭ 23 قاراشاسىندا وبلىس ورتالىعىنىڭ تۇرعىنى م.گ. مەكتەپ الدىندا 3 سىنىپ وقيتىن قىزىنىڭ قۇنى 17 000 تەڭگە تۇراتىن التىن سىرعاسىن بەلگىسىز ءبىر ايەلدىڭ «قۇلاعىڭداعى سىرعاڭ تۇسەيىن دەپ تۇر، سومكەڭە سالىپ بەرەيىن» دەگەن جەلەۋمەن شەشىپ العاندىعى جونىندە پوليسياعا ارىزدانادى.

ءبىر كۇن وتە، بەلگىسىز ايەل تاعى دا 3 سىنىپ وقۋشىسىنىڭ التىن سىرعاسىن الداپ، شەشىپ الادى. الاياقتىڭ وسى تەكتەس ارەكەتتەرىنە قاتىستى پوليسياعا تاعى 4 اتا-انا شاعىمدانادى.

ءتارتىپ ساقشىلارىنىڭ جەدەل-ىزدەستىرۋ جۇمىستارىنىڭ ناتيجەسىندە 1989 جىلى تۋعان قىزىلوردا قالاسىنىڭ  تۇرعىنى ب.د. ۇستالىپ، ۋاقىتشا ۇستاۋ اباقتىسىنا قاماۋعا الىندى. 

اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 1-بولىگىمەن (الاياقتىق) قىلمىستىق ءىس قوزعالىپ، سوتقا دەيىنگى تەرگەپ-تەكسەرۋ امالدارى جۇرگىزىلۋدە، دەپ حابارلادى وبلىستىق ءىىد باسپا ءسوز قىزمەتىنەن.

 «قامشى» سىلتەيدى