قاراشانىڭ سوڭىندا تۇركيا اسكەري اۋە كۇشتەرى رەسەيدىڭ سۋ-24 ۇشاعىن تۇركيانىڭ اۋە كەڭىستىگىن بۇزدى دەپ اتىپ تۇسىرگەن بولاتىن. زىمىران تيگەن ۇشاقتان ەكى ۇشقىش پاراشيۋت ارقىلى سەكىرگەنمەن، ولاردىڭ بىرەۋىن سيريا اۋماعىنداعى تۇركىمەن جاساقتارى جەردەن وق اتىپ ءولتىردى.
وقيعادان سوڭ قازا بولعان رەسەي ۇشقىشى ولەگ پەشكوۆتىڭ ءمايىتىن تۇركيا اسكەريلەرى رەسەيلىكتەرگە تاپسىردى. جاقىندا pressafoto.ru سايتىندا اتالعان ءراسىمنىڭ سۋرەتتەرى جاريالاندى. ول سۋرەتتەردەن تۇركيا تاراپى ءمايىتتى تمد ەلدەرىندە داستۇرگە اينالعان مىرىش تابىتقا ەمەس، اعاش تابىتقا سالىپ، بەتىن رەسەي تۋىمەن جاۋىپ، قۇرمەت قاراۋىلىنىڭ كۇزەتىمەن تابىستاعانىن كورۋگە بولادى. بۇل ءراسىم بۇعان دەيىن ەشبىر رەسەيلىك اقپارات قۇرالدارىندا جاريالانبادى.
پىكىر قالدىرۋ