«تامشى» عىلىم جانە مادەنيەت قورى مەن ع. مۇسىرەپوۆ اتىنداعى قازاق اكادەميالىق بالالار مەن جاسوسپىرىمدەر تەاترى قازاق حاندىعىنىڭ 550 جىلدىعىنا ارنالعان «تاريحىن تاسقا تاڭبالاعان – قازاق ەلى» اتتى مەرەكەلىك شارا وتكىزەدى، - دەپ حابارلايدى «قامشى» پورتالى تەاتردىڭ باسپا ءسوز قىزمەتىنە سىلتەمە جاساپ.  

ەلباسى نۇرسۇلتان نازاربايەۆ قازاقستان حالقىنا ارناعان جولداۋىندا «2015 جىل – ۇلتتىق تاريحىمىزدى ۇلىقتاۋ جانە بۇگىنگى بيىكتەرىمىزدى باعالاۋ تۇرعىسىنان مەرەيلى بەلەستەر جىلى. قازاق حاندىعىنىڭ 550 جىلدىعىن، قازاقستان حالقى اسسامبلەياسى مەن كونستيتۋسيامىزدىڭ 20 جىلدىعىن، ۇلى جەڭىستىڭ 70 جىلدىعىن اتاپ وتەمىز» دەپ اتاپ كورسەتكەن بولاتىن. وسىعان وراي، جوسپارلانىپ وتىرعان شارانىڭ نەگىزگى ماقساتى – سان عاسىرلىق تاريحىمىزدى، بابالارىمىز سالعان سارا جولدى دارىپتەۋ، حالىقتى ىنتىماق-بىرلىككە جۇمىلدىرۋعا ات سالىسۋ بولىپ تابىلادى. ۇلى دالانى دۇبىرگە بولەپ، جالپى حالىقتىق سيپات العان مەرەكەنىڭ كەڭ ناسيحاتتالۋىنا ۇلەس قوسۋ.

جوسپارلانىپ وتىرعان مەرەكەلىك باعدارلامادا ۇلتتىق ءسالت-داستۇرىمىز بەن تاريحىمىزدى جانە وتانشىلدىقتى دارىپتەيتىن ارنايى تەاترلاندىرىلعان قويىلىمدار، ءداستۇرلى ان-كۇيلەرىمىز بەن ۇلتتىق بيلەرىمىز ورىندالادى. ەلىمىزگە تانىمال ەسترادا جۇلدىزدارى ونەر كورسەتەدى. سونىمەن قاتار، ۇلتتىق قول ونەر بۇيىمدارى، كيىم ۇلگىلەرى، ۇلتتىق ناقىشتاعى زاماناۋي تەحنيكالىق قۇرالدار، ت.ب. تۋىندىلار كورمەگە قويىلادى.