دايش تاراپىنان ايەلدەردى عالامتور ارقىلى ساتاتىن كەڭسەلەردىڭ ءبىرى تۇركيانىڭ گازيانتەپ ايماعىنان تابىلدى. گەرمانيالىق NDR جانە SWR ارنالارى ءدال وسى دايش-تىڭ گازيانتەپتە اشقان ايەلدەردى ساتۋ ورتالىعى تۋرالى حابار تاراتتى.

ب ا ق تاراتقان مالىمەتكە سەنسەك، ورتالىق ءار ايەلدى 15-20 مىڭ دوللار شاماسىندا ساتىپ، وزگە دە بايلانىس ورتالىقتارى ارقىلى ۇيىمعا جىبەرىپ كەلگەن.

قازىرگى تاڭدا كوپشىلىك اراسىندا كەڭىنەن تارالعان  whatsapp سەكىلدى باسقا دا بايلانىس قۇرالدارى ارقىلى تاراتىلعان سۋرەتتەر مەن جازبالاردان ايەلدەر مەن بالالاردىڭ «قۇل» رەتىندە ساۋدالانعانى، سونىڭ ىشىندە ەڭ كوپ اقشا ۇسىنعاندارعا ساتىلاتىنى، اقشا اۋدارىمىنىڭ تۇركياداعى دايش بايلانىس ورتالىقتارى ارقىلى ۇيىمعا جەتكىزىلەتىندىگى انىقتالعان.

وسى جايتكە قاتىستى جاريالانعان بەينەباياندا يراكتىق ءابۋ مۋرات ەسىمدى كىسىنىڭ عالامتور پاراقشاسىنا كىرىپ، قۇلدىقتاعى ايەلدەردى ساتىپ الۋعا ارەكەتتەنگەنى، ءتىپتى ساۋدالاسۋعا كىرىسكەندىگى كورسەتىلەدى. سونداي-اق، ۆيدەودا اقشا اۋدارىمىنىڭ ءساتتى جۇزەگە اسىرىلۋى ءۇشىن حات الماسىلادى. دايش گازياەنتەپكە جول ءجۇرۋ ءۇشىن نۇسقاۋ بەرەدى. ارادا بىتىمگەرشىلىك جاساۋشىلارمەن كەزدەسكەن ءابۋ مۋرات، وتەم اقىنى ولارعا تابىستايدى.

جاسىرىن كامەرا ارقىلى، اقشا اۋدارىمى جاسالعان كەڭسە دە كورسەتىلگەن. مۇندا كالكۋلياتور ارقىلى اقشا قابىلدانىپ الىنادى. اقشانىڭ تىكەلەي دايش-قا جونەلتىلۋى ءۇشىن، باسقا «دەلدالدارعا» تەلەفون ارقىلى حابار بەرىلەدى. ال ەڭ سۇمدىعى، بۇنىڭ تۇرىك اقپارات قىزمەتىندە ەشقانداي كەدەرگىگە ۇشىراماعاندىعى..

باۋىرجان كاريپوۆ