قازاقستان رەسپۋبليكاسى قورعانىس ءمينيسترى يمانعالي تاسماعانبەتوۆ تانىمال جۋرناليست، «31» تەلەارنا اقپاراتتىق باعدارلامالار ديەكسياسىنىڭ ديرەكتورى بولات مۇرسالىمگە العىس ءبىلدىردى، - دەپ حابارلايدى «قامشى» پورتالى.
بۇل تۋرالى جۋرناليست ءوزىنىڭ الەۋمەتتىك جەلىدەگى پاراقشاسىندا جاريالادى.
«قازاقستان رەسپۋبليكاسى قارۋلى كۇشتەرى اسكەري-تاريحي مۋزەيىنىڭ اشىلۋىنا قوسقان قوماقتى ۇلەسىڭىز بەن ازاماتتىق بەلسەندىلىگىڭىز ءۇشىن شىنايى العىسىمدى بىلدىرەمىن.
اسكەرىمىزدىڭ ايبىنىن اسىرىپ، ۇلتتىق رۋحتى كوتەرەتىن يگىلىكتى باستامانىڭ ورىندالۋى وزىڭىزدەي ارداقتى جانداردىڭ ەسەلى ەڭبەگى مەن قاجىر-قايراتىنىڭ جەمىسى» دەلىنگەن يمانعالي تاسماعانبەتوۆتىڭ العىس حاتىندا.
سونداي-اق، جۋرناليسكە قورعانىس ءمينيسترىنىڭ ورىنباسارى گەنەرال-مايور ت. مۇحتاروۆ تا العىس حات جولداعان.
ەستەرىڭىزگە سالساق، ەل پرەزيدەنتى ن. نازاربايەۆ استانادا قورعانىس مينيسترلىگىنىڭ باستاماسىمەن ۇيىمداستىرىلعان قازاقستان قارۋلى كۇشتەرىنىڭ اسكەري-تاريحي مۋزەيىن اشقان بولاتىن.
