تاراز قالاسىندا 3-5 جەلتوقسان كۇندەرى ارالىعىندا قازاق حاندىعىنىڭ 550 جىلدىق مەرەيتويىنا ارنالعان ق ر قازاق كۇرەسى فەدەراسياسىنىڭ ءى كۋبوگى ءوتتى. كلۋبتىق كوماندالار اراسىندا العاش رەت ۇيىمداستىرىلعان دوداعا ەلىمىزدىڭ بارلىق ايماعىنان 16 كلۋبتىق كوماندا قاتىسىپ، جۇلدەلى ورىنداردى ساراپقا سالدى.

جۇلدە قورى 20 ملن. تەڭگەنى قۇراعان قازاق كۇرەسىنىڭ الامانىن وتكىزۋگە ق ر مادەنيەت جانە سپورت مينيسترلىگى، سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراسياسى، جامبىل وبلىسىنىڭ اكىمدىگى قولداۋ كورسەتتى. سونداي-اق، دودانىڭ باس دەمەۋشىسى «سامۇرىق-قازىنا» ءۇاق» اق بولسا، ال تيتۋلدى دەمەۋشى «قازمۇنايگاز» ۇق» اق.

بالۋاندار 55، 60، 66، 74، 82، 90، 100 جانە + 100 كەلىگە دەيىنگى سالماق دارەجەلەرىندە ونەر كورسەتتى. كۋبوكتىڭ العاشقى كۇنىندە 14 كوماندا كۇش سىناسسا، ولاردىڭ اراسىنان جامبىل جانە قىزىلوردا وبلىسىنىڭ قازاق كۇرەسى كلۋبتارىنا فينالدىق كەزەڭگە ىرىكتەۋسىز جولداما بەرىلدى. العاشقى كۇنگى ىرىكتەۋ سىندارىنان 6 كوماندا سۇرىپتالدى. 

فينالدىق سىننىڭ العاش اينالىمىندا جامبىل وبلىسىنىڭ قازاق كۇرەس كلۋبى قىزىلوردالىق «الاش ارلاندارى» كلۋبىمەن جولى ءتۇيىسىپ، 3:5 ەسەبىمەن ەسە جىبەردى. ءوز كەزەگىندە الماتى قالالىق جوعارى سپورت شەبەرلىگى مەكتەبىنىڭ كومانداسى وڭتۇستىك قازاقستان وبلىسىنىڭ بالۋاندارىمەن كەزدەسىپ، 6:2 ەسەبىمەن باسىم ءتۇستى.  ال قاراعاندى وبلىسىنىڭ جوعارى سپورتتىق شەبەرلىگى مەكتەبىنىڭ كومانداسى شىعىس قازاقستان وبلىسى تارباعاتاي اۋدانىنىڭ م.يماشيەۆ اتىنداعى بالالار مەن جاسوسپىرىمدەر اراسىنداعى سپورت مەكتەبى كومانداسىمەن جولدارى ءتۇيىسىپ، كەزدەسۋ ناتيجەسىندە 4:4 ەسەبىمەن تارباعاتاي قۇراماسى كەلەسى كەزەڭگە جولداما الدى. سونداي-اق الماتى وبلىسىنىڭ جوعارى سپورتتىق شەبەرلىگى مەكتەبىنىڭ كومانداسى سەمەي مەملەكەتتىك مەديسينا ۋنيۆەرسيتەتىنىڭ كومانداسىمەن كۇش سىناسىپ، ايقىن باسىمدىلىقپەن سەمەي مەملەكەتتىك مەديسينا ۋنيۆەرسيتەتىنىڭ كومانداسى 6:2 ەسەبىمەن جەڭىسكە جەتتى. 

جارتىلاي فينالدا الماتى قالالىق جوعارى سپورت شەبەرلىگى مەكتەبىنىڭ كومانداسى قىزىلوردا وبلىسىنىڭ «الاش ارلاندارى» قازاق كۇرەسى كلۋبىمەن كەزدەسىپ 4:4 ەسەبىمەن سىردىڭ بىلەكتى جىگىتتەرىنىڭ مەرەيى تاسىدى. ەكىنشى جۇپتا سەمەي مەملەكەتتىك مەديسينا ۋنيۆەرسيتەتى مەن شقو تارباعاتاي اۋدانىنىڭ م.يماشيەۆ اتىنداعى بالالار مەن جاسوسپىرىمدەردىڭ سپورت مەكتەبىنىڭ كومانداسى كەزدەسىپ، سەمەيلىكتەر 5:3 ەسەبىمەن باسىمدىق تانىتتى. ءۇشىنشى ورىن ءۇشىن كۇرەستە الماتىلىقتار تارباعاتايلىقتاردى 6:2 ەسەبىمەن ايقىن جەڭدى. فينالدا كەزدەسكەن سەمەي مەملەكەتتىك مەديسينا ۋنيۆەرسيتەتى مەن قىزىلوردا وبلىسىنىڭ «الاش ارلاندارى» كلۋبى ءوزارا مىقتىنى انىقتادى. كەزدەسۋ ناتيجەسى بويىنشا 7:1 قازاقستان رەسپۋبليكاسى قازاق كۇرەسى فەدەراسياسى ءى كۋبوگىنىڭ يەگەرى اتاندى. 

1-ورىن: سەمەي مەمل. مەديسينا ۋنيۆ. – 10 000 000 تەڭگە؛

2-ورىن: قىزىلوردا وبلىسى، «الاش ارلاندارى» كلۋبى – 5 000 000 تەڭگە؛ 

3- ورىن: الماتى قالاسى، جسشم – 2 000 000 تەڭگە؛ 

4-ورىن: شقو، تارباعاتاي اۋدانى – 800 000 تەڭگە؛

5-ورىن: – الماتى وبلىسى، جسشم - 700 000 مىڭ تەڭگە؛ 

6-ورىن: – جامبىل وبلىسى قازاق كۇرەسى كلۋبى – 600 000 مىڭ تەڭگە؛ 

7-ورىن: وقو – 500 000 تەڭگە؛ 

8-ورىن: قاراعاندى وبلىسى، جسشم – 400 000 تەڭگە؛