بۇگىن الماتى قالالىق قورعانىس ىستەرى باسقارماسىنان قازاقستان رەسپۋبليكاسى ۇلتتىق ۇلانىنىنىڭ قاتارىنا اسكەرگە شاقىرۋشىلاردىڭ العاشقى توبى جونەلتىلدى، - دەپ حابارلايدى «قامشى» پورتالى.
جاستاردى اسكەر ساپىنا اتتاندىرۋعا ارنالعان سالتاناتتى شاراعا قازاقستان رەسپۋبليكاسى ۇلتتىق ۇلانىنىڭ ارداگەرلەرى يۆان كوماروۆ جانە دميتريي فالەيەۆ، ۇلتتىق ۇلان وفيسەرلەرى قاتىسىپ، كەيىنگى بۋىن ساربازدارعا وزدەرىنىڭ اسكەري جولدارىندا ءجۇرىپ وتكەن تاريحي تاعدىرلارىمەن ءبولىسىپ، ولارعا جۇرەكجاردى تىلەكتەرىن ارنادى.
«جاستاردى وسىنداي سالتاناتتى جاعدايدا اسكەرگە اتتاندىرۋدىڭ باستى ماقساتى اسكەرگە شاقىرۋشىلاردىڭ جۇرەكتەرىندە وتان قورعاۋعا دەگەن پاتريوتتىق سەزىمىن وياتىپ، وتان الدىنداعى بورىشىن ادال وتكەرىپ كەلۋگە جىگەرلەندىرۋ»، - دەلىنگەن ۇلتتىق ۇلان «وڭتۇستىك» وڭىرلىك قولباسشىلىعى باسپا ءسوز قىزمەتى تاراتقان حابارلامادا.
