2015 جىلعى 12 جەلتوقساندا الماتىدا ستۋدەنتتەر كوماندالارى اراسىندا تاۋەلسىزدىك كۇنىن مەرەكەلەۋگە وراي ميني-فۋتبولدان جولداستىق كەزدەسۋ ءوتتى. كەزدەسۋدى قازاقستان رەسپۋبليكاسىنىڭ سپورت فەدەراسياسى ۇيىمداستىردى.
ەلباسىنىڭ حالىققا جولداۋىنداعى جانە حالىقتىڭ 30 پايىزىن دەنە شىنىقتىرۋمەن اينالىسۋعا تارتۋ تۋرالى تاپسىرمالارىن ورىنداۋ، قازاقستاندا فۋتزالدى ناسيحاتتاۋ جانە دامىتۋ، ويىنشىلاردىڭ كاسىبي شەبەرلىگىن ارتتىرۋ، سالاۋاتتى ءومىر سالتىن ناسيحاتتاۋ جانە ميني-فۋتبولدان ازيا چەمپيوناتىنا لايىقتى كوماندالاردى ىرىكتەۋ ماقساتىندا قازاق سپورت جانە تۋريزم اكادەمياسى مەن قازاقستان ينجەنەرلىك-پەداگوگيكالىق حالىقتار دوستىعى ۋنيۆەرسيتەتىنىڭ («دوستىق» كومانداسى، شىمكەنت ق.) اراسىندا ميني-فۋتبولدان ماچتىق كەزدەسۋ ۇيىمداستىرىلدى.
كوماندالاردىڭ كەزدەسۋىنە قازاقستان رەسپۋبليكاسى ءبىلىم جانە عىلىم ءمينيسترى اسلان سارينجيپوۆ قاتىستى.
«جاستار اراسىنداعى، ونىڭ ىشىندە ستۋدەنت جاستار اراسىنداعى سپورت ەلىمىزدە كەڭىنەن دامۋدا. مەملەكەت تە بۇل باعىتقا كوپ قولداۋ كورسەتۋدە. ۇلتتىق ستۋدەنتتەر ليگاسى قۇرامىندا بۇگىندە 36 كوماندا بار. ستۋدەنتتەر ليگاس ۇلكەن قوزعالىسقا اينالىپ وتىر» دەدى مينيستر.
