ءماجىلىس دەپۋتات قوجاحان جاباعييەۆ بالۋان شولاقتىڭ تۋعانىنا 150 جىل تولۋىنا وراي وعان قاتىستى دەرەكتەردى تولىقتىرىپ، مادەني شارانى قولعا الۋدى سۇرادى دەپ حابارلايدى Tengrinews.kz ءتىلشىسى. "بالۋان شولاق – زامانىندا قازاق ءان ونەرىنىڭ تاماشا ورىنداۋشىسى، ناسيحاتشىسى بولا ءجۇرىپ، قازاقتىڭ انشىلىك ونەرىن وركەندەتۋگە ۇلكەن ۇلەس قوسقان كومپوزيتور. بالۋان شولاقتىڭ جيىرماعا جۋىق ءانى بولعانىمەن، بۇگىنگى كۇندە ولاردىڭ حالىق اراسىندا ناسيحاتتالۋى تومەن. اقىندىق قىرى مۇلدە زەرتتەلمەگەن"، - دەيدى ق.جاباعييەۆ. ۇكىمەتكە جولداعان ساۋالىندا دەپۋتات بالۋان شولاقتىڭ ءومىربايانى جونىندە زەرتتەۋلەر ءالى كۇنگە ناقتىلانباعانىن ايتادى. قازاق رۋحانياتى مەن مادەنيەتىنىڭ قالىپتاسۋىندا ورنى بار تۇلعانىڭ دۇنيەگە كەلگەن جەرى مەن قايتىس بولعان جىلىنا قاتىستى ءارتۇرلى دەرەكتەردى ناقتىلاپ، 150 جىلدىق مەرەيتويى قارساڭىندا وسىنداي جۇمىستار اتقارىلسا دەپ تىلەك ءبىلدىردى. "بالۋان بابامىزدىڭ ءوز ۇلتى ءۇشىن جاساعان كۇرەسكەرلىك قايراتكەرلىگىن قازىرگى ۇرپاقتىڭ بىلە بەرمەيتىنى قىنجىلتادى. ويتكەنى، بالۋان شولاقتىڭ ۇلت-ازاتتىق كوتەرىلىسىندەگى ورنى دا انىقتالماعان. ول تۋرالى ۇلتىمىزدىڭ كورنەكتى جازۋشىسى ءسابيت مۇقانوۆتىڭ "بالۋان شولاق" پوۆەسىندە جانە بەلگiلi جازۋشى، دراماتۋرگ دۋلات يسابەكوۆتىڭ "جاۋجۇرەك" اتتى تۋىندىسىندا ايتىلعانىمەن، مۇنى جەتكىلىكسىز دەپ ەسەپتەيمىز"، - دەدى قوجاحان كوكىرەكباي ۇلى ۇكىمەتكە جولداعان ساۋالىندا. سونىمەن قاتار، ءماجىلىس دەپۋتاتى الماتى قالاسىنداعى بالۋان شولاق اتىنداعى سپورت جانە مادەنيەت سارايىنىڭ الدىنا بالۋاننىڭ ەسكەرتكىشىن ورناتىپ، ول تۋرالى كوركەم جانە دەرەكتى فيلم ءتۇسىرۋدى قولعا الۋ كەرەكتىگىن العا تارتىپ وتىر.