الماتى قالاسىنىڭ بوستاندىق اۋداندىق سوتى SCAT اۋە كومپانياسى "جالا جاپتى" دەپ ايىپتاعان جۋرناليست سەرگەي كيمدى اقتادى دەپ حابارلايدى informburo.kz سايتى.
الماتى قالالىق سوتى باسپا ءسوز قىزمەتىنىڭ حابارلاۋىنشا، كومپانيا كيمنىڭ "جالا جاپقانىن دالەلدەي الماعان". سۋديا ەلەنا كۆان سوت جۋرناليسكە "جالا جابۋ" ايىبىمەن سوتقا تارتىلعانى ءۇشىن كەشىرىم سۇرايتىنىن ايتىپ، SCAT كومپانياسىن سەرگەي كيمگە سوت شىعىندارى ءۇشىن 300 مىڭ تەڭگە قارجى تولەپ بەرۋگە مىندەتتەيتىن شەشىم شىعارعان.
"راديوتوچكا" پورتالىنىڭ ءجۋرناليسى سەرگەي كيم ماۋسىم ايىندا SCAT كومپانياسى "الەمدەگى ەڭ ءقاۋىپتى كومپانيالاردىڭ ءبىرى" ەكەندىگى تۋرالى ماقالا جاريالاعان. بۇدان سوڭ كومپانيا ءجۋرناليستى "تەكسەرىلمەگەن جانە شىندىققا ساي كەلمەيتىن، كومپانيانىڭ ىسكەرلىك بەدەلىنە نۇقسان كەلتىرەتىن" اقپارات تاراتتى دەپ سوتقا شاعىمدانعان.
