بۇگىن حالىقارالىق كوشى-قون كۇنى. 1990 جىلى ءدال وسى كۇنى بۇۇ – نىڭ جوعارىعى كەڭەسىندە بارلىق ەڭبەكشى-ميگرانتتاردىڭ قۇقىقتارى مەن ولاردىڭ وتباسى مۇشەلەرىنىڭ قۇقىقتارىن قورعاۋ تۋرالى حالىقارالىق كونۆەنسيا قابىلدانعان.
وسىعان وراي، 2000 جىلدان باستاپ بىرىككەن ۇلتتار ۇيىمى ءار جىلى 18 جەلتوقساندى كوشى-قون كۇنى رەتىندە اتاپ وتۋدە. ۇستىمىزدەگى جىلدىڭ حالىقارالىق كوشى-قون جاعدايى تاياۋ شىعىس پەن سوعىس وشاعىنداعى ەلدەردەن ەۋروپاعا اعىلعان بوسقىندارمەن ەستە قالۋدا. ال، قازاقتار شە؟
جۇمىر جەردە ادامزات جارالعالى اتاۋلى ءبىر كۇن بولماسا دا، ءار مەزگىل سايىن كوشىپ-قونعان حالىقىمىزدىڭ ماڭدايىنا «ماڭگىلىك كوش» جازىلعان سەكىلدى. ول – بۇگىندە تاريحشالاردىڭ كوبى بىزدىكى ەدى دەپ كارتاعا تۇسىۋگە ءداتى جەتە بەرمەيتىن ۇلى دالانىڭ شەتى مەن شەگىندە شۇبالعان كوش. تاۋەلسىزدىكتەن كەيىنگى قازاق جەرىنىڭ كەشەگى، بۇگىنگى جانە ەرتەڭگى كوشىن سىرتتاعى 5 ميلليون قانداستىڭ كوشى، اۋىلداعى قازاقتىڭ قالاعا كوشى، قالادا قازاقتىڭ پاتەردەن پاتەرگە كوشۋىمەن عانا سيپاتتاۋعا بولاتىن سياقتى. ال، وسى جىلدىڭ قازاق كوشىندەگى ەڭ ماڭىزدى وقيعاسى مەملەكەت باسشىسى نۇرسۇلتان نازاربايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويۋى بولدى. كوش بايسالدى، قونىس جايلى بولسىن، اعايىن !
الىبەك ىدىرىستىڭ G-Global - كوممۋنيكاتيۆتىك الاڭىنداعى پاراقشاسىنان
