تەڭگەنى "قۇنسىزدادى، قۇنسىزداندى!" دەپ ويبايلايسىزدار. قۇنسىزدانسا - قوقىستا جاتپاس پا ەدى؟ قايداعى؟ شارۋاسى جالپاق دەگەن دوستارىمنىڭ قالتاسىندا جەل ازىناپ تۇر. ءوزىم سياقتى. سوعان قاراعاندا اقش دوللارى اسقاقتاعان سايىن، تەڭگەمىز تەسىككە تىعىلىپ قالعان با دەيمىن.

اڭگىمە بۇل تۋرالى دا ەمەس. تەڭگەنىڭ شىعۋ تاريحى جايلى. ونى بىلاي بىلەتىن دە سياقتى ەدىم. سويتسەم، ول بىلگەنىم تىم جالاڭ، ءاتۇستى ەكەن. ويتكەنى...
كونستيتۋسيامىزدىڭ 98-بابىنىڭ ءبىرىن قالدىرماي، مۇقيات وقىپ شىقتىم. اتا زاڭدا ۇلتتىق ۆاليۋتامىز - تەڭگە تۋرالى ءبىر اۋىز ءسوز جوق. ءتىپتى، "ۇلتتىق ۆاليۋتا تۋرالى" زاڭ دا، قاۋلى دا قابىلدانباپتى. رەسمي قۇجاتتاردان پرەزيدەنتتىڭ "ۇلتتىق ۆاليۋتانى اينالىمعا ەنگىزۋ تۋرالى" جارلىعىنان باسقا تۇك تاپپادىم.

مەنىڭشە، بۇل - نونسەنس نارسە! سوندا، وسى ۋاقىتقا دەيىن تەڭگەمىز زاڭسىز اينالىمدا جۇرگەنى مە؟ مىسالى، اقش-تىڭ ءوز اقشاسى پايدا بولعانعا دەيىن يسپان، اعىلشىن، فرانسۋزدىڭ ۆاليۋتاسىن قولداندى. 1785 جىلى اقش كونگرەسسى دوللاردى اقشا بىرلىگى رەتىندە اينالىمعا شىعارۋ تۋرالى قاۋلى قابىلداعان. سودان كەيىن عانا، ياعني، 1792 جىلى فيلادەلفيادا اقشا شىعاراتىن مونەتالىق سارايدى تۇرعىزادى.

الىسقا سىلتەمەي، مىنا ۋكراينانى الايىق. 1918 جىلى ورتالىق رادا گريۆنانى ۇلتتىق ۆاليۋتا ەتىپ ەنگىزۋ تۋرالى زاڭ قابىلدادى. كەيىن، سول زاڭنىڭ نەگىزىندە گريۆنانى قايتا قالپىنا كەلتىردى. ال ءبىز شە؟ ءبىزدىڭ ۇيقىلى-وياۋ دەپۋتاتتارىمىز نە بىتىرگەن؟ ءاي، زاڭگەرلەردىڭ كوزىنەن تاسا قالعان تەڭگەم-اي، تەڭگەم-اي! تەنتىرەمەي، تەنتىرەتپەي، تۇراقتانشى.

توقتار جاقاشتىڭ «فەيسبۋك» پاراقشاسىنان الىندى