الماتى شاھارىنىڭ بۇرىنعى اكىمى، ءقازىر «استانا ەكسپو-2017» ۇلتتىق كومپانياسىنىڭ تىزگىنىن ۇستاعان احمەتجان ەسىموۆتىڭ استاناداعى ءۇيى ءسۇرىلىپ تاستالعان، - دەپ حابارلايدى «قامشى» پورتالى radiotochka.kz – كە سىلتەمە جاساپ.

بۇل تۋرالى ا. ەسىموۆ كەشە قازاقستاندىق اقپارات قۇرالدارى باس رەداكتورلارىمەن كەزدەسۋدە ايتقان.

«اينالدىرعان جەتى جىل ىشىندە استانانىڭ كەڭەيگەنى سونشا، سول جاعالاۋداعى مەنىڭ ءبىر ءۇيىم سۇرىلەتىن نىساندار قاتارىنا ەنىپ كەتكەن. ارينە، قۇرىلىسشىلار ماعان وتەماقى تولەدى. ءقازىر مەن اسا ۇلكەن ەمەس ۇيدە تۇرىپ جاتىرمىن. جاقىندا ءبىر جاتىن بولمە قوسىپ سالدىم. ءقازىر ەكى جاتىن بولمە بار. ءۇي ۇلكەن ەمەس. ءقازىر سوندا ايەلىممەن تۇرىپ جاتىرمىن»، - دەدى «استانا ەكسپو-2017» ءتوراعاسى جەتەكشى ب ا ق باسشىلارىنا.

وعاش مالىمدەمەلەرىمەن تانىلعان احمەتجان ەسىموۆ بۇعان دەيىن 2013 جىلى ءبىر سۇحباتىندا الماتىدا ءۇيى جوق ەكەنىن، كەلىنشەگىنىڭ پاتەرىندە تۇراتىنىن ايتىپ، ءبىراز قاعىتپاعا ارقاۋ بولعان ەدى.