قازاقستاندىق قور بيرجاسىنداعى تاڭعى ساۋدا ۇلتتىق ۆاليۋتانىڭ قۇلدىراۋىمەن باستالدى، - دەپ حابارلايدى «قامشى» پورتالى.

قورداعى تاڭعى ساتىلىمدا اقش دوللارىنىڭ ورتاشا باعامى 331،38 تەڭگەنى قۇرادى. بۇل – جۇما كۇنگى باعامنان 5، 58 تەڭگەگە قىمبات.

جالپى بۇگىنگى تاڭعى ساۋدادا 15 ۆاليۋتالىق ويىنشى قاتىسىپ، 72 ميلليون دوللار ساتىلعان. دوللار ءۇشىن ۇسىنىلعان ەڭ جوعارعى باعا 333 تەڭگەنى قۇراعان.

ءقازىر kurs.kz سايتىنىڭ مالىمەتىنشە الماتىداعى ۆاليۋتا ايىرباستاۋ ورىندارىندا اقش دوللارى 334 تەڭگەدەن ساتىلۋدا.

بۇعان دەيىن ۇلتتىق بانك ءتوراعاسى دانيار اقىشيەۆ: «ادامدار ۇلتتىق بانك ۆاليۋتا باعامىنىڭ بەلگىلى ءبىر باعىتىن قالىپتاستىرىپ وتىر دەپ ويلايدى. بارلىعى ءبىز بىرنارسەدەن قورقىپ، دوللار باعامىن 312 تەڭگەگە ءتۇسىردى جانە 307 تەڭگەگە دەيىن الىپ بارادى دەگەن پىكىردە. ەستەرىڭىزدە بولسا، قاراشا ايىندا دوللار باعامى 307-308 تەڭگە كولەمىندە ۇزاق مەرزىمگە ساقتالدى. شىن مانىندە وسى كەزەڭدە كوپشىلىك شەتەل ۆاليۋتاسىن جاپپاي ساتىپ الىپ، تەڭگەنىڭ نىعايۋىنا كەدەرگى كەلتىردى» دەگەن بولاتىن.