«ماسكەۋدەگى «ۋكراينا» قوناقۇيىندە تاڭ اتقانشا تويتويلاعان، رەسەي پرەزيدەنتى جانىنداعى ماسكەۋ تۇبىندەگى «بارۆيحا» ساناتورييىندە الاڭسىز دەم الىپ جتقان، ۋكراينادان 12 ملرد. اقش دوللارىن ۇرلاپ كەتكەن، قانشاما ادامنىڭ قانىن موينىنا جۇكتەگەن، حالىقارالىق ىزدەۋ سالىنعان، ءوزىن ءالى ۋكراينانىڭ «زاڭدى» پرەزيدەنتى سانايتىن يانۋكوۆيچ - جەر استىنان شىققانداي، كەنەتتەن پايدا بولا كەتتى، دەپ جازادى الەمدىك اقپارت قۇرالدارى.

ۋكراينانىڭ جوعارى راداسى تاعىنان تايدىرعان، بۇگىندە قاشقىن يانۋكوۆيچ 2014 ج 28 اقپانىندا، استانا ۋاقىتى بويىنشا كەشكى ساعات 19.00 دونداعى روستوۆتا باسپا ءسوز ءماسليحاتىن وتكىزەدى ەكەن دەگەن حابار تارادى. ءبىراق، باسپا ءسوز ءماسليحاتىنىڭ اتالمىش قالانىڭ ناقتى قاي جەرىندە وتەتىنى ازىرگە قۇپيا تۇرىندە قالماق، ول جونىندە كەيىن ناقتى حابارلاناتىنى جونىندە بۇل حاباردى تاراتقان رەسەيدىڭ ريا نوۆوستي اقپارات اگەنتتىگى.ۇستىمىزدەگى جىلدىڭ 22 اقپانىندا ۋكراينانىڭ جوعارى راداسى يانۋكوۆيچتى پرەزيدەنتتىكتەن تايدىرىپ، جاڭا پەرزيدەنتتىك سايلاۋدى 2014 ج. 25 مامىرى كۇنى وتكىزۋدى بەلگىلەپ قويعانى ەسىمىزدە. سايلاۋ وتكەنشە، پرەزيدەنتتىك مىندەتتى جوعارى رادا سپيكەرى الەكساندر تۋرچينوۆ اتقاراتىن بولادى.

 ۋكراينا ىشكى ىستەر مينيسترلىگى قاشىپ جۇرگەن يانۋكوۆيچكە ىزدەۋ جاريالادى. ال، قاشىپ جۇرگەن يانۋكوۆيچ ءالى كۇنگە ءوزىن ۋكراين پرەزيدەنتى سانايدى.رەسەي بيلىگى دە  يانۋكوۆيچتى ءالى ۋكراينانىڭ زاڭدى پرەزيدەنتى سانايتىن سياقتى. ول الەمدەگى بارلىق ديكتاتورلار سياقتى، ەۋرومايدانداعى 82 ادام ولىمىنە، 855 ادامنىڭ اۋىر جاراقات الۋىنا جاۋاپتى بىردەن ءبىر ادام.

سونداي-اق، كەشە قىرىمداعى «بەركۋت» اسكەري جاساعىنىڭ بۇرىنعى ساربازدارى جوعارى رادانىڭ ولاردىڭ تاراتۋ تۋرالى بۇيرىعىنا قارسىلىق كورسەتىپ ەرەۋىلگە شىقتى. بۇل جونىندە ۋكراينا جوعارى راداسىنىڭ دەپۋتاتى ۆيتالي موسكال حابارلادى. اۋىر اسكەري قۇرالدارمەن، اۆتوماتتار، پۋلەمەتتەر، گراناتالارمەن قارۋلانعان ولار قىرىم ۇكىمەت ءۇيىن، ت.ب. مەملەكەتتىك عيماراتتاردى باسىپ العان.

ۋكراينانىڭ رەسەيمەن شەكارالاس ايماقتارىندا رەسەي قارۋلى كۇشتەرى «اسكەري جاتتىعۋلار» وتكىزىپ، كورشىلەرىنە سەس كورسەتەتىن سياقتى. جالپى، ءالى دە ۋكراينا اسپانىنان ءقاۋىپ بۇلتى سەيىلگەن جوق. بۇل جونىندە الەم جۇرتشىلىعى قاتتى الاڭداۋدا. ءقازىر بۇل تەكەتىرەستىڭ اقىرى نە بولاتىنى بەلگىسىز...

جۇماش كوكبورى