«NewTimes.kz» اقپارات اگەنتتىگى «كوكشەتاۋ-ەرەيمەنتاۋ» باعىتىندا قاتىنايتىن ەلەكتر پويىزىنىڭ شامادان تىس جولاۋشى تيەگەن ۆيدەوسىن جاريالادى.

3 قاڭتار كۇنى تۇسىرىلگەن ۆيدەودا پويىزداعى جولاۋشىلاردىڭ قولدانىستاعى نورمادان الدەقايدا كوپ ەكەنى انىق كورىنەدى. پويىزبۇل استانا-كوكشەتاۋ ارالىعىنداعى اۆتوكولىك جولدارىنىڭ بورانعا بايلانىستى جابىلۋىنا وراي تۋىنداعان جاعداي دەيدى جولاۋشىلاردىڭ وزدەرى.

وقيعاعا بايلانىستى تۇسىنىك بەرگەن «جولاۋشىلار تاسىمالى» اق-ى باسشىلىعى مۇنى دەمالىس كۇندەرىندە ءجيى قايتالاناتىن ادەتتەگى جاعداي دەپ وتىر.

«3 قاڭتاردا كوكشەتاۋ-ەرەيمەنتاۋ باعىتىنلا 800 جولاۋشىعا ارنالعان 8 ۆاگون قىزمەت كورسەتتى. جولاۋشىلار سانىنىڭ ارتاتىنى ەسكەرىلىپ، بۇرىن قاتىناپ جۇرگەن 6 ۆاگونعا تاعى ەكەۋى قوسىلدى، ۆاگونعا وتىرعىزۋ نورماسىن كوتەردىك»، - دەگەن كومپانيانىڭ پايدالانۋ ءبولىمى باستىعى يگور پاك.

ونىڭ ايتۋىنشا، قاۋىپسىزدىك ەرەجەلەرىندە ۆاگون ىشىندەگى 1 شارشى مەتر ورىنعا 5 ادامنان ەسەپتەلەتىن كورىنەدى.

«ءبىر ۆاگونعا 50-60 ادام مىنە الادى. ءبىراق، سول كۇنگى سۋىقتى ەسكەرىپ، ەشكىمدى دالادا قالدىرماۋ كەرەك دەگەن شەشىم قابىلداندى. مەرەكە سايىن وسىلاي قوسىمشا ۆاگوندار مەن ەلەكتر پويىزدارىن شىعارامىز. مۇمكىندىك بولعاندا تاعى دا بىرنەشە ۆاگون قوسار ەدىك. الايدا، بارىمىز وسى بولدى»، - دەيدى كومپانيا وكىلى.