KASE تاڭعى سەسسياسىندا دوللار باعامى 344،68 تەڭگەگە تەڭ بولدى، - دەپ حابارلايدى Tengrinews.kz ءتىلشىسى. ايتا كەتەيىك، شەتەل ۆاليۋتاسى كەشە 343 تەڭگە مەجەسىندە ەدى.

6 قاڭتاردا تاڭعى سەسسياداعى العاشقى كەلىسىم 344،6 تەڭگەمەن باستالدى. ەڭ تومەنگى باعا 344،5 تەڭگە بولدى. ال جوعارىسى 345 تەڭگەگە دەيىن جەتتى. سەسسيا كەزىندە ساۋدا كولەمى 58،2 ميلليون دوللاردان استى. Kurs.kz پورتالىنىڭ مالىمەتىنە سۇيەنسەك، اقشا ايىرباستاۋ ورىندارى شەتەل ۆاليۋتاسىن 343،5 - 346،7 تەڭگە ارالىعىندا ساۋدالاپ جاتىر.

ەسكە سالايىق، تاريحي انتيرەكورد 2015 جىلدىڭ 21 جەلتوقسانىندا 349،2 تەڭگەگە دەيىن جەتكەن بولاتىن. كەلەسى كۇنى ۇلتتىق بانك ءتوراعاسى دانيار اقىشيەۆ باسپا ءسوز ءماسليحاتىن وتكىزدى. جيىن باستالار الدىندا تەڭگە تۇراقتاندى، دەگەنمەن باعام كەيىن قايتا وسە باستادى.